પૈપ્પલાદ-સંહિતા · અધ્યાય 16.97

આ નયૈતમ્ આ રભસ્વ સુકૃતાં
લોકમ્ અપિ ગચ્છતુ પ્રજાનન્ ।
તીર્ત્વા તમાંસિ બહુધા વિપશ્યન્ન્
અજો નાકમ્ આ ક્રમતાં તૃતીયમ્ ॥

પ્ર પદો નેનિગ્ધિ દુશ્ચરિતં યચ્ ચચાર
શુદ્ધૈઃ શફૈર્ આ ક્રમતાં પ્રજાનન્ ।
જ્યોતિષ્મન્તં સુકૃતાં લોકમ્ ઈપ્સન્
તૃતીયે નાકે અધિ વિ ક્રમસ્વ ॥

અનુ છ્ય શ્યામેન ત્વચમ્ એતાં વિશસ્તર્
યથાપર્વ્ અસિના માતિ મંસ્થાઃ ।
માભિ દ્રુહઃ પરુશઃ કલ્પયૈનં
સુકૃતાં મધ્યે અધિ વિ શ્રયેમમ્ ॥

ભૂમ્યાં ત્વા ભૂમિમ્ અધિ ધેહ્ય્ એતામ્
આ સિઞ્ચોદકમ્ અવ ધેહ્ય્ એનમ્ ।
પર્ય્ આધત્તાગ્નિના શમિતારઃ
શૃતો ગચ્છતુ સુકૃતાં યત્ર લોકઃ ॥

ઉત્ ક્રામાતઃ પરિ ચેદ્ અતપ્તસ્
તપ્તાચ્ ચરોર્ અધિ નાકં તૃતીયમ્ ।
અગ્નેર્ અગ્નિર્ અધિ સં બભૂવિથ
જ્યોતિષ્માન્ ગચ્છ સુકૃતાં યત્ર લોકઃ ॥

પઞ્ચૌદનઃ પઞ્ચધા વિ ક્રમસ્વ-
-આક્રંસ્યમાનઃ પઞ્ચ જ્યોતીઁષિ ।
ઈજાનાનાં સુકૃતાં પ્રેહિ મધ્યં
જ્યોતિષ્મન્તમ્ અભિ લોકં જયાસ્મૈ ॥

અજમ્ એવાગ્નિમ્ અજમ્ ઇજ્ જ્યોતિર્ આહુર્
અજં બ્રહ્મણે જીયતા દેયમ્ આહુઃ ।
અજસ્ તમાંસ્ય્ અપ હન્તિ દૂરમ્
અસ્મિંલ્ લોકે શ્રદ્દધાનેન દત્તઃ ॥

એતદ્ વો જ્યોતિઃ પિતરસ્ તૃતીયં
પઞ્ચૌદનં બ્રહ્મણે ઽજં દદાતિ ।
અજસ્ તમાંસ્ય્ અપ હન્તિ દૂરં
પઞ્ચૌદનો બ્રહ્મણે દીયમાનઃ ॥

પઞ્ચૌદનો બ્રહ્મણે દીયમાનો
ઽજો નાકમ્ આ ક્રમતાં તૃતીયમ્ ।
વિચક્રમાણઃ સુકૃતસ્ય લોકે
સ જ્યોતિષા તમો અપ હન્તિ દૂરમ્ ॥

અજા ક્રમસ્વ સુકૃતાં યત્ર લોકઃ
શરભો નુ ચત્તો અતિ દુર્ગાણિ નેષતઃ ।
પઞ્ચૌદનો બ્રહ્મણે દીયમાનો
વિશ્વરૂપા કામદુઘાસ્ય્ એકા ॥