પૈપ્પલાદ-સંહિતા · અધ્યાય 16.96

પુમાન્ પુંસો અધિ તિષ્ઠ ચર્મ
ન તે શિષ્ણં પ્ર દહાજ્ જાતવેદાઃ ।
ભવાત્ તે સ્ત્રૈણમ્ અપ્ય્ અપ્સરાસુ ॥

મહતી દ્યાવાપૃથિવી
અન્તરિક્ષમ્ ઇદં મહત્ ।
મહાન્ મહિમ્ના સર્વાઙ્ગ
યસ્ ત્વા પચત્ય્ ઓદન ॥

સપ્તૈનં સૂર્યા અભિતઃ
સપ્ત પુષ્કરિણીર્ ઉત ।
સપ્તો સહસ્રં ગન્ધર્વા
યસ્ ત્વા પચત્ય્ ઓદન ॥

ધાતૈષામ્ ઉદ્ગાતાસીદ્
દેવા હોતાર ઋત્વિજઃ ।
સર્વાઙ્ગં યત્રૌદનં
સત્યેનાગ્રે સમૈરયન્ ॥

સપ્ત ઋષયો ભૂતકૃત
ઋષયઃ સાધ્યાશ્ ચ યે ।
તે વૈ સર્વાઙ્ગમ્ ઓદનં
શ્રદ્ધયાગ્રે સમ્ ઐરયન્ ॥

યઃ સર્વાઙ્ગં પચતિ
બ્રાહ્મણં ચ ન હિંસતિ ।
તસ્મૈ જ્યોતિષ્મન્તં લોકં
યમો રાજાભિ રક્ષતિ ॥

તં સર્વાઙ્ગં ઘૃતપૃષ્ઠં
દ્યુમાત્રં દેવસંહિતમ્ ।
નિ ધત્સ્વામુત્ર શેવધિં
તં તે બ્રહ્માભિ રક્ષતુ ॥

તસ્યૌદનસ્યોદરમ્ અન્તરિક્ષં
દ્યૌઃ પૃષ્ઠં દિશઃ પાર્શ્વે ।
સૂર્યાચન્દ્રમસાવ્ અક્ષ્યાવ્
ઋતવો દન્તાઃ પવમાનઃ પ્રાણો અઙ્ગિરસો રૂપમ્ ॥