પૈપ્પલાદ-સંહિતા · અધ્યાય 16.98

જ્યોતિષ્મન્તં સુકૃતાં લોકમ્ ઈપ્સન્
પઞ્ચૌદનં બ્રહ્મણે ઽજં દદાતિ ।
સ વ્યાપ્નુહ્ય્ અભિ લોકં જયાસ્મૈ
શિવો ઽસ્મભ્યં પ્રતિગૃહીત એધિ ॥

અજસ્ ત્રિનાકે ત્રિદિવે ત્રિપૃષ્ઠે
સુકૃતાં લોકે દદિવાંસં દધાતિ ।
પઞ્ચૌદનો બ્રહ્મણે દીયમાનઃ
સ દાતારં તૃપ્ત્યા તર્પયાસિ ॥

અજો હ્ય્ અગ્નેર્ અજનિષ્ટ શોકાદ્
વિપ્રો વિપ્રસ્ય સહસો વયોધાઃ ।
હુતમ્ ઇષ્ટમ્ અભિપૂર્તં વષટ્કૃતં
તદ્ દેવા ઋતુશઃ કલ્પયન્તુ ॥

અમોતં વાસો દધ્યાદ્
ધિરણ્યમ્ અપિ દક્ષિણામ્ ।
તથા લોકાન્ સમાપ્નુયાદ્
યે દિવ્યા યે ચ પાર્થિવાઃ ॥

એતાસ્ ત્વાજ ધારા ઉપ યન્તુ વિશ્વતઃ
સોમ્યા દેવીર્ ઘૃતપૃષ્ઠા મધુશ્ચુતઃ ।
સ્તભાન પૃથિવીં દિવં સચસ્વ
નાકે તિષ્ઠાસ્ય્ અધિ સપ્તરશ્મૌ ॥

પૃષ્ઠાત્ પૃથિવ્યા ઇતિ ચતસ્રઃ ॥

(…) ॥

(…) ॥

(…) ॥

પઞ્ચૌદનં પઞ્ચભિર્ અઙ્ગુલીભિર્
દર્વ્યોદ્ ધર પઞ્ચધૌદનમ્ એતમ્ ।
પ્રાચીં દિશં દક્ષિણાં પ્રતીચીમ્
ઉદીચીં ધ્રુવામ્ ઊર્ધ્વાં દિશમ્ આ ક્રમસ્વ ॥