પૈપ્પલાદ-સંહિતા · અધ્યાય 16.91

સહસ્રપૃષ્ઠઃ શતધારો અક્ષિતો
બ્રહ્મૌદનો દેવયાનઃ સ્વર્ગઃ ।
અમૂંસ્ ત આ દધામિ પ્રજયા રેષય -
-એનં બલિહારાય મૃડતાં મહ્યમ્ એવ ॥

ઉદ્ એહિ વેદિં પ્રજયા વર્ધયૈનં
નુદસ્વ રક્ષઃ પ્રતરં ધેહ્ય્ એનમ્ ।
શ્રિયા સમાનાન્ અતિ સર્વાન્ત્ સ્યામ-
-અધસ્પદં દ્વિષતઃ પાદયેમ ॥

ઋતેન તષ્ટા મનસા હિતેયં
બ્રહ્મૌદનસ્ય નિહિતા વેદિર્ અગ્રે ।
અંશધ્રીં શુદ્ધામ્ ઉપ ધેહિ નારિ
તત્રૌદનં સાદય દૈવાનામ્ ॥

અદિતેર્ હસ્તાં સ્રુચમ્ એતાં દ્વિતીયાં
સપ્તર્ષયો ભૂતકૃતો યામ્ અકૃણ્વન્ ।
સા ગાત્રાણિ વિદુષ્ય્ ઓદનસ્ય
દર્વિર્ વેદ્યામ્ અધ્ય્ એનં ચિનોતુ ॥

શૃતં ત્વા હવિર્ ઉપ સીદન્તુ દૈવા
નિસૃપ્યાગ્ને પુનર્ એનં પ્ર સીદ
સોમેન પૂતો જઠરે સીદ બ્રહ્મણામ્
આર્ષેયાસ્ તે મા રિષન્ પ્રાશિતારઃ ॥

સોમ રાજન્ સંજ્ઞાનમ્ આ વપૈભ્યઃ
સુબ્રાહ્મણા યતમે ત્વોપસીદાન્ ।
ઋષીન્ આર્ષેયાંસ્ તપસો ઽધિ જાતાન્
બ્રહ્મૌદને સુહવા જોહવીમિ ॥

ઇમા આપો મધુમતીર્ ઘૃતશ્ચ્યુતો
બ્રહ્મણાં હસ્તેષુ પ્ર પૃથક્ સાદયામિ ।
યત્કામ ઇદમ્ અભિષિઞ્ચામિ વો ઽહમ્
ઇન્દ્રો મરુત્વાંસ્ તદ્ અદાદ્ ઇદં મે ॥

ઇદં મે જ્યોતિર્ અમૃતં હિરણ્યં
પક્વં ક્ષેત્રાત્ કામદુઘા મ એષા ।
ઇદં ધનં નિ દધે બ્રાહ્મણેષુ
કૃણ્વે પન્થાં પિતૃષુ યઃ સ્વર્ગઃ ॥

અગ્નૌ તુષાઁ આ વપ જાતવેદસિ
પરઃ કમ્બૂકાન્ ઉપ મૃઢ્ય્ એતાન્ ।
એતં શુશ્રુમ ગૃહરાજસ્ય ભાગમ્
અથો વિદ્મ નિરૃતેર્ ભાગધેયમ્ ॥

શ્રામ્યતઃ પચત એધિ સુન્વતઃ
સ્વર્ગં લોકમ્ અધિ રોહયૈનમ્ ।
યેન રોહાત્ પરમ્ આપદ્ય યદ્ વયઃ ॥