પૈપ્પલાદ-સંહિતા · અધ્યાય 16.92

બભ્રેર્ અધ્વર્યો મુખમ્ એતદ્ વિ મૃડ્ઢ્ય્
આજ્યાય લોકં કૃણુહિ પ્રજાનન્ ।
ઘૃતેન ગાત્રાનુ સર્વા વિ મૃડ્ઢિ
કૃણ્વે પન્થાં પિતૃષુ યઃ સ્વર્ગઃ ॥

બભ્રે રક્ષઃ સમદમ્ આ વપૈભ્યો
બ્રાહ્મણા યતમે ત્વોપસીદાન્ ।
પુરીષિણઃ પ્રથમાનાઃ પુરસ્તાદ્
આર્ષેયાસ્ તે મા રિષન્ પ્રાશિતારઃ ॥

આર્ષેયેષુ નિ દધ ઓદન ત્વા
નાનાર્ષેયાણામ્ અપ્ય્ અસ્ત્ય્ અત્ર ।
અગ્નિર્ મે ગોપ્તા મરુતશ્ ચ સર્વે
વિશ્વે દેવા અભિ રક્ષન્તુ પક્વમ્ ॥

યજ્ઞં દુહાનં સદમ્ ઇત્ પ્રપીનં
પુમાંસં ધેનું સદનં રયીણામ્ ।
પ્રજામૃતત્વમ્ ઉત દીર્ઘમ્ આયૂ
રાયશ્ ચ પોષમ્ ઉપ ત્વા સદેમ ॥

વૃષભો ઽસિ સ્વર્ગ ઋષીન્ આર્ષેયાન્ ગચ્છ ।
સુકૃતાં લોકે સીદ તન્ નૌ સંકૃતમ્ ॥

સમ્ આ ચિનુષ્વાનુસંપ્રેહ્ય્
અગ્ને પથઃ કલ્પય દેવયાનાન્ ।
એભિઃ સુકૃતૈર્ અનુ પ્ર જ્ઞેષ્મ યજ્ઞે
નાકે તિષ્ઠન્તમ્ અધિ સપ્તરશ્મૌ ॥

યેન દેવા જ્યોતિષા દ્યામ્ ઉદાયન્
બ્રહ્મૌદનં પક્ત્વા સુકૃતસ્ય લોકમ્ ।
તં ત્વા પચામિ જ્યોતિષાં જ્યોતિર્ ઉત્તમં
સ નસ્ તં ધેહિ સુકૃતામ્ ઉલોકે ॥