પૈપ્પલાદ-સંહિતા · અધ્યાય 16.90

ઉપશ્વસે દ્રુવયે સીદતા યૂયં
વિ વિચ્યધ્વં યજ્ઞિયાસસ્ તુષૈઃ ।
શ્રિયા સમાનાન્ અતિ સર્વાન્ત્ સ્યામ-
-અધસ્પદં દ્વિષતસ્ પાદયેમ ॥

ઇયં તે ધીતિર્ ઇદમ્ ઉ તે જનિત્રં
ગૃહ્ણાતુ ત્વામ્ અદિતિઃ શૂરપુત્રા ।
પરા પુનીહિ ય ઇમાં પૃતન્યવો
અસ્મૈ રયિં સર્વવીરં નિ યચ્છ ॥

પરેહિ નારિ પુનર્ એહિ ક્ષિપ્રમ્
અપાં ત્વા ગોષ્ઠો અધ્ય્ અરુક્ષદ્ ભરાય ।
તાસાં ગૃહ્ણીતાદ્ યતમા યજ્ઞિયા
અસન્ વિભાજ્ય ધીરીતરા જિહીતાત્ ॥

એમા અગુર્ યોષિતઃ શુમ્ભમાના
ઉત્ તિષ્ઠ નારિ તવસં રભસ્વ ।
સુપત્ની પત્યા પ્રજાવત્યા ત્વા-
- અગન્ યજ્ઞઃ પ્રતિ કુમ્ભં ગૃભાય ॥

ઊર્જો ભાગો નિહિતો યઃ પુરા વ
ઋષિપ્રશિષ્ટાપ આ હરૈતાઃ ।
અયં યજ્ઞો નાથવિદ્ ગાતુવિત્ પ્રજાવિદ્
ઉગ્રઃ પશુમદ્ વીરવિદ્ વો અસ્તુ ॥

અગ્ને ચરુર્ યજ્ઞિયસ્ ત્વાધ્ય્ અરુક્ષચ્
છુચિસ્ તપિષ્ઠસ્ તપસા તપૈનમ્ ।
આર્ષેયા દૈવા અભિસંગત્ય ભાગમ્
ઇમં તપિષ્ઠા ઋતુભિસ્ તપન્તુ ॥

શુદ્ધા આપો યોષિતો યજ્ઞિયા ઇમા
આપશ્ ચરુમ્ ઇવ સર્પન્તુ શુભ્રાઃ ।
દદત્ પ્રજા બહુલાન્ પશૂન્ મે
પક્તૌદનસ્ય સુકૃતામ્ એતુ લોકમ્ ॥

બ્રહ્મણા શુદ્ધા ઉત પૂતા ઘૃતેન
સોમસ્યાંશવસ્ તણ્ડુલા યજ્ઞિયા ઇમે ।
અપઃ પ્ર વિશતુ પ્રતિ ગૃહ્ણાતુ વશ્
ચરુર્ ઇમં પક્ત્વા સુકૃતામ્ એતુ લોકમ્ ॥

અભ્યાવર્તસ્વ પ્રજયા સહૈનાં
પ્રત્યઙ્ એનં દેવતાભિઃ સહૈધિ ।
સ્વર્ગં લોકમ્ અભિ સં વહૈનમ્
આદિત્યો દેવઃ પરમં વ્યોમ ॥

ઉરુઃ પ્રથસ્વ મહતા મહિમ્ના
સહસ્રપૃષ્ઠઃ સુકૃતસ્ય લોકે ।
પિતામહાઃ પિતરઃ પ્રજોપજ-
-અહં પક્ત્વા પઞ્ચદશસ્ તે અસ્મિ ॥