પૈપ્પલાદ-સંહિતા · અધ્યાય 16.89

અગ્ને જાયસ્વાદિતિર્ નાથિતેયં
બ્રહ્મૌદનં પચતિ પુત્રકામા ।
સપ્તઋષયો ભૂતકૃતસ્ તે ત્વા
મન્થન્તુ પ્રજયા સહેહ ॥

કૃણુત ધૂમં વૃષણઃ સખાયો
ઽદ્રોઘાવિતા વાચમ્ અચ્છ ।
અયમ્ અગ્નિઃ પૃતનાષાટ્ સુવીરો
યેન દેવા અસહન્ત શત્રૂન્ ॥

અગ્ને ઽજનિષ્ઠા મહતે વીર્યાય
બ્રહ્મૌદનાય પક્તવે જાતવેદઃ ।
સપ્તર્ષયો ભૂતકૃતસ્
તે ત્વાજીજનન્ન્ અસ્મૈ
રયિં સર્વવીરં નિ યચ્છ ॥

સમિદ્ધો અગ્ને સમિધા સમિધ્યસે
વિશ્વાન્ દેવાન્ યજ્ઞિયાઁ એહ વક્ષઃ ।
તેભ્યો હવ્યં શ્રપયઞ્ જાતવેદઃ
સ્વર્ગં લોકમ્ અધિ રોહયૈનમ્ ॥

ત્રેધા ભાગો નિહિતો જાતવેદો
યઃ પુરો વો દેવાનાં
પિતૄણામ્ ઉત મર્ત્યાનામ્ ।
અંશાં જાનીધ્વં વિ ભજામિ
તં વો યો દેવાનાં સા ઇમં પારયાતિ ॥

અગ્ને સહસ્વાન્ અભિભૂર્ અભીદ્ અસિ
નીચો ન્યુબ્જ દ્વિષતઃ સપત્નાન્ ।
ઇયં માત્રા મીયમાના મિતા ચ
સજાતાંસ્ તે બલિહૃતઃ કૃણોતુ ॥

સાકં સજાતૈઃ પયસા સહૈધ્ય્
ઉદ્ ઉબ્જૈનં મહતે વીર્યાય ।
ઊર્ધ્વો નાકસ્યાધિ રોહ વિષ્ટપઃ
સ્વર્ગો લોક ઇતિ યં વદન્તિ ॥

ઇયં મહી પ્રતિ ગૃહ્ણાતુ ચર્મ
પૃથિવી દેવી સુમનસ્યમાના ।
અધિ ગચ્છેમ સુકૃતામ્ ઉલોકમ્ ॥

એતૌ ગ્રાવાણૌ સયુજા
યુઙ્ધિ ચર્મણિ નિર્ ભિન્ધ્ય્
અંશૂન્ યજમાનાય સાધુ ।
અવઘ્નતી નિ જહિ યે પૃતન્યવ
ઊર્ધ્વાં પ્રજામ્ ઉદ્ધરન્ત્ય્ ઉદ્ ઊહ ॥

ગૃહાણ ગ્રાવાણૌ સુકૃતા વીર હસ્ત
આ તે દેવા યજ્ઞિયા યજ્ઞમ્ અગુઃ ।
ત્રયો વરા યતમાંસ્ ત્વં વૃણીષે
તાસ્ તે સમૃદ્ધીર્ ઇહ રાધાયામિ ॥