પૈપ્પલાદ-સંહિતા · અધ્યાય 16.81

પરિશિષ્ટં ધારયતં
યદ્ ધિતં માવ પાદિ તત્ ।
ગર્ભં ત ઉગ્રૌ રક્ષતાં
ભેષજૌ નીવિભાર્યૌ ॥

પરિપાણં પુરુષાણાં
રક્ષસામ્ અસિ ચાતનમ્ ।
અરાયાન્ સર્વાન્ દુર્ણામ્નો યાતુધાનાન્
વિષૂચીનાન્ વિ નાશય ॥

પવીનસાત્ તઙ્ગલ્વાચ્
છાયકાદ્ ઉત નગ્નકાત્ ।
પ્રજાયૈ પત્યે ત્વા પિઙ્ગઃ
પરિ પાતુ કિમીદિનઃ ॥

દ્વ્યાસ્યાશ્ ચતુરક્ષાઃ
પઞ્ચપાદાદ્ અનઙ્ગુલેઃ ।
વૃન્દાદ્ અભિ પ્રસર્પતઃ
પરિ પાહિ વરીવૃતાત્ ॥

ય આમં માંસમ્ અદન્તિ
પૌરુષેયં ચ યે ક્રવિર્
ગર્ભાન્ ખાદન્તિ કેશવાઃ ।
અરાયાન્ અસ્યા ભંસસો
મુષ્કયોર્ અપ હન્મસિ ॥

પિઙ્ગ રક્ષ જાયમાનં
પુમાંસં મા સ્ત્રિયં ક્રન્ ।
આણ્ડાદો ગર્ભં મા દભન્
બાધસ્વેતઃ કિમીદિનઃ ॥

અપ્રજાસ્ત્વં માર્તવત્સમ્
આદ્ રોદમ્ અઘમ્ આવયમ્ ।
વૃક્ષાદ્ ઇવ સ્રજં કૃત્વા-
-અપ્રિયે પ્રતિ મુઞ્ચ તત્ ॥

પિઙ્ગ જહિ યાતુધાનાન્
દુર્ગન્ધીંલ્ લોહિતાસ્યાન્ ।
ત્વયા પ્રણુત્તાઃ ક્રવ્યાદો
વિષ્વઞ્ચો યન્તુ નિર્હતાઃ ॥