પૈપ્પલાદ-સંહિતા · અધ્યાય 16.80

યે કુકુન્ધાઃ કુકૂરભાઃ
કૃત્તીર્ દૂર્શાનિ બિભ્રતિ ।
ક્લીબા ઇવ પ્રનૃત્યન્તો
ઘોષાં યે કુર્વતે વને
તાન્ ઇતો નાશયામસિ ॥

યેષાં પશ્ચાત્ પ્રપદે
પુરઃ પાર્ષ્ણી પુરો મુખમ્ ।
ખલજાઃ શકધૂમજા
ઉરુણ્ડા યે ચ મટ્મટાઃ
કુમ્ભમુષ્કા અયાશવઃ ।
તાન્ અસ્યા બ્રહ્મણસ્પતે
પ્રતીબોધેન નાશય ॥

યે સૂર્યં ન તિતિક્ષન્ત
આતપન્તમ્ અમું દિવઃ ।
અરાયાન્ બસ્તવાસિનો
દુર્ગન્ધીંલ્ લોહિતાસ્યાન્
મકકાન્ નાશયામસિ ॥

યે સૂર્યાત્ પરિસર્પન્તિ
સ્નુષેવ શ્વશુરાદ્ અધિ ।
બજશ્ ચ તેષાં પિઙ્ગશ્ ચ
હૃદયે ઽધિ નિ વિધ્યતામ્ ॥

ય આત્માનમ્ અતિમાત્રમ્
અંશ આધાય બિભ્રતિ ।
સ્ત્રીણાં શ્રોણિપ્રતોદિન
ઇન્દ્ર રક્ષાંસિ નાશય ॥

યે પૂર્વે વધ્વો યન્તિ
હસ્તે શૃઙ્ગાણિ બિભ્રતઃ ।
આપાકેસ્થાન્ પ્રહાસિન
સ્તમ્બે યે કુર્વતે જ્યોતિસ્
તાન્ ઇતો નાશયામસિ ॥

પર્યસ્તાક્ષાઃ પ્રચઙ્કશા
સ્ત્રૈણાઃ સન્તુ પણ્ડગાઃ ।
અવ ભેષજ પાતય
ય ઇમાં સંવિવૃત્સત્ય્
અપતિઃ સ્વપતીં સ્ત્રિયમ્ ॥

ઉદ્ધર્ષિણં મુનિકેશં
જમ્ભયન્તં મરીમૃશમ્ ।
ઉપેષન્તમ્ ઉદુમ્બલં
તુણ્ડેનમ્ ઉત શાલુડમ્ ।
પદા પ્ર વિધ્ય પાર્ષ્ણ્યા
સ્થાલીં ગૌર્ ઇવ સ્યન્દના ॥

યસ્ તે ગર્ભં પ્રતિમૃશાજ્
જાતં વા મારયાતિ તે ।
પિઙ્ગસ્ તમ્ ઉગ્રધન્વા
કૃણોતુ હૃદયાવિધમ્ ॥

યે અમ્નો જાતાન્ મારયન્તિ
સૂતિકા અનુશેરતે ।
સ્ત્રીભાગાન્ પિઙ્ગો ગન્ધર્વાન્
અભ્રં વાત ઇવાજતુ ॥