પૈપ્પલાદ-સંહિતા · અધ્યાય 16.82

ઉચ્છિષ્ટે નામરૂપાણ્ય્
ઉચ્છિષ્ટે લોક આહિતઃ ।
ઉચ્છિષ્ટ ઇન્દ્રશ્ ચાગ્નિશ્ ચ
વિશ્વમ્ અન્તઃ સમાહિતમ્ ॥

ઉચ્છિષ્ટે દ્યાવાપૃથિવી
વિશ્વં ભૂતં સમાહિતમ્ ।
આપઃ સમુદ્ર ઉચ્છિષ્ટે
ચન્દ્રમા વાત આહિતઃ ॥

સન્ન્ ઉચ્છિષ્ટે ઽસંશ્ ચોભૌ
મૃત્યુર્ વાજઃ પ્રજાપતિઃ ।
લૌક્યા ઉચ્છિષ્ટ આયત્તા
વ્રશ્ ચ દ્રશ્ ચાપિ શ્રીર્ મયિ ॥

દૃઢો દૃંહ સ્થિરો ન્યો
બ્રહ્મ વિશ્વસૃજો દશ ।
નાભિમ્ ઇવ સર્વતશ્ ચક્રમ્
ઉચ્છિષ્ટે દેવતા હિતા ॥

ઋક્ સામ યજુર્ ઉચ્છિષ્ટ
ઉદ્ગીથઃ પ્રસ્તુતં સ્થિતમ્ ।
હિઙ્કાર ઉચ્છિષ્ટે સ્વરઃ
સામ્નો મેડિશ્ ચ તન્ મયિ ॥

ઐન્દ્રાગ્નં પાવમાનં
મહાનામ્નીર્ મહાવ્રતમ્ ।
ઉચ્છિષ્ટે યજ્ઞસ્યાઙ્ગાન્ય્
અન્તર્ ગર્ભ ઇવ માતરિ ॥

રાજસૂયં વાજપેયમ્
અગ્નિષ્ટોમસ્ તદધ્વરઃ ।
અર્કાશ્વમેધા ઉચ્છિષ્ટે
જીવબર્હિર્ મદિન્તમઃ ॥

અગ્ન્યાધેયમ્ અથો દીક્ષા
કામપ્રશ્ છન્દસા સહ ।
ઉત્સન્ના યજ્ઞાઃ સત્ત્રાણ્ય્
ઉચ્છિષ્ટે ઽધિ સમાહિતાઃ ॥

અગ્નિહોત્રં ચ શ્રદ્ધા ચ
વષટ્કારો વ્રતં તપઃ ।
દક્ષિણેષ્ટં પૂર્તં ચ-
-ઉચ્છિષ્ટે ઽધિ સમાહિતાઃ ॥

એકરાત્રસ્ ત્રિરાત્રશ્ ચ
સદ્યઃક્રીઃ પ્રક્રીર્ ઉક્થ્યઃ ।
ઓતં નિહિતમ્ ઉચ્છિષ્ટે
યજ્ઞસ્યાણૂનિ વિદ્યયા ॥