પૈપ્પલાદ-સંહિતા · અધ્યાય 16.70

દ્યૌર્ જવેના પૃથિવી વરિમ્ણાન્તરિક્ષં મહિત્વાપો ભૂમ્ના ।
દેવસ્ય ત્વા સવિતુઃ પ્રસવે ઽશ્વિનોર્ બાહુભ્યાં પૂષ્ણો હસ્તાભ્યાં
પ્રસૂતો બ્રાહ્મણેભ્યો નિર્ વપામિ ॥

ઋષિભ્યસ્ ત્વા ર્ષેયેભ્યસ્ ત્વા (નિર્ વપામિ) ॥

જુષ્ટતમં વહ્નિતમં પપ્રિતમં સસ્નિતમમ્
ઊર્જો ભાગમ્ અક્ષિતમ્ અક્ષિતયે નિર્ વપામિ ॥

વસવસ્ ત્વા ગાયત્રેણ છન્દસા નિર્ વપન્તુ ॥

રુદ્રાસ્ ત્વા ત્રૈષ્ટુભેન છન્દસા નિર્ વપન્તુ ॥

આદિત્યાસ્ ત્વા જાગતેન છન્દસા નિર્ વપન્તુ ॥

ઇદમ્ અભિરાવ્ણામ્
ઇદમ્ અભિગત્વરાણામ્
ઇદમ્ અભિમન્યૂનામ્ ॥

યથા કૂપઃ શતખાઃ સહસ્રખા નોપદસ્યતિ ।
એવેદં મોપ દસત્ તીર્થમ્ અશ્વિનોર્ ઇવ ॥

યો નો દ્વેષન્ મનસા યશ્ ચ વાચા
દૈવ્યે લોક ઉત માનુષે યઃ ।
ગ્રાવ્ણા હન્તુ મહતા તસ્ય સર્વમ્
ઇન્દ્રો દેવો મઘવાઞ્ છચીપતિઃ ॥

વીરુત્સુ વસ્ત્રં પરિજાયૈતદ્
ઊર્જા સોમ પુનર્ આ વિશેહ નઃ ।
દૃંહસ્વ બાહ્વો અમ્બ ધૃષ્વ મા રિષો
અગ્નિશ્ ચૈતત્ સનિષ્યથ ॥

દેવીર્ આપ ઊર્જો ભાગાય વો ઽક્ષિતા
અક્ષિતય આ સિઞ્ચામિ ॥