પૈપ્પલાદ-સંહિતા · અધ્યાય 16.71

અક્રવ્યાદા તન્વા જાતવેદો
યા તે સ્વર્ગા તપસા સયોનિઃ ।
તયૌદનમ્ અભિશ્રામ્યૈતં
તયા નો અગ્ને મહિ શર્મ યચ્છ ॥

સોમસ્યાંશુભિર્ યતમ્ અદ્ધ્વમ્
અદિત્યાઃ પૃષ્ઠે સીદત ।
યે ત ઓદન દેવયાને લોકે વિદુઃ
પાત્રં દારુમયં મનુષ્યાઃ ।
તેષામ્ એધિ પાત્રમાત્રઃ સ્વર્ગઃ
પૃથિવીં વિદ્મ તવ પાત્રમ્ ॥

એતાસ્ ત્વૌદનોપ યન્ત્વ્ આપો
ઘૃતશ્ચુતઃ પયસા વર્ધયન્તીઃ ।
સ્તભ્નાસિ સ્વઃ પૃથિવીમ્ ઉત દ્યામ્
ઉતાન્તરિક્ષં સ્વધયા પૂરયાસિ ॥

યાવન્તાસ્ તણ્ડુલાસ્ ત ર્તસ્ય વિષ્ઠાસ્
તાવન્તો યજ્ઞાસ્ ત ર્તસ્ય દોહાઃ ।
તાવતી સ્વધા ઘૃતપૃષ્ઠો મે અસ્તુ-
-ઊર્જં દુહાં મધુપૃચં વ્યોમન્ ॥

યમ્ ઓદનં પચામિ શ્રદ્દધાનઃ
પાત્રીપૂરં ઘૃતપૃષ્ઠં જુષાણઃ ।
સ મે મા ક્ષેષ્ટ સદમ્ અશ્યમાનો
યમસ્ય લોકે પરમે વ્યોમન્ ॥

ઓદનઃ પાત્રેણ સહ દક્ષિણયા
બ્રાહ્મણેભ્યો દત્તો અમૃતત્વે દધાતિ ।
સૂર્યસ્ય ધ્રાજીર્ અનુ રશ્મીન્ આગન્
દિવસ્ પૃષ્ઠાન્ શકુન ઇવ રોહન્ ॥

સં પ્રાણેન પ્રાણભૃતં સૃજામિ
સં વીર્યેણ પયસાશિષા ચ ।
આસ્તાવં ગચ્છ સુકૃતાં યત્ર લોકં
તે ત્વા પ્રાશ્નન્તુ દક્ષિણતો નિષદ્ય ॥

અગ્નિષ્ટોમેન સરથં હિ યાહ્ય્
અથોક્તમ્ અતિરાત્રં ચ ગચ્છ ।
દ્વિરાત્રમાત્રસ્ ત્ર્યહં વ્ય્ અશ્નુહ્ય્
અથા રોહ ચતૂરાત્રં રથમ્ ઇવ ॥

ચતૂરાત્રેણ કલ્પમાનો હિ યાહ્ય્
અથ સપ્તરાત્રં દશરાત્રં ચ ગચ્છ ।
દ્વાદશાહં પરિભૂય વિશ્વત
એકવિંશત્યા વિ મૃધો નુદસ્વ ॥

એકવિંશત્યા વિ મૃધો હિ યાહ્ય્
અથૈકચત્વારિંશતોપ યાહ્ય્ એકમ્ ।
ત્રયસ્ત્રિંશતામૃતો ભૂત્વા
ત્રિમાસ્યમ્ ઓદનાન્વ્ આરભસ્વ ॥