પૈપ્પલાદ-સંહિતા · અધ્યાય 16.60

પ્રિયાપ્રિયાણિ બહુલા
સ્વપ્નં સંબાધતન્દ્ર્યઃ ।
આનન્દમ્ ઉગ્રો નન્દાંશ્ ચ
તાન્ ઉદ્ વહતિ પૂરુષઃ ॥

આર્તિર્ અવર્તિર્ નિરૃતિઃ
કુતો નુ પુરુષે ઽમતિઃ ।
રાદ્ધિઃ સમૃદ્ધિર્ અવ્યૃદ્ધિર્
મતિર્ ઉદિતયઃ કુતઃ ॥

કો અસ્મિન્ન્ આપો અદધાદ્ વિષૂવૃતઃ
પુરૂચ્યુતઃ સિન્ધુસૃત્યાય જાતાઃ ।
તીવ્રારુણા લોહિનીસ્ તામ્રધૂમ્રા
ઊર્ધ્વા અવાચીઃ પુરુષે તિરશ્ચીઃ ॥

કો અસ્મિન્ પ્રાણમ્ અદધાત્
કો અપાનં વ્યાનમ્ ઉ ।
સમાનમ્ અસ્મિન્ કો દેવો
ઽધિ શિશ્રાય પૂરુષે ॥

કો અસ્મિન્ રૂપમ્ અદધાત્
કો મહ્માનં ચ નામ ચ ।
ગાતું કો અસ્મિન્ કઃ કેતું
કશ્ ચરિત્રાણિ પૂરુષે ॥

કો અસ્મિન્ રેતો અદધાત્
તન્તુર્ આ તાયતામ્ ઇતિ ।
મેધાં કો અસ્મિન્ન્ અધ્ય્ ઔહત્
કો બાણં કો નૃતો દધૌ ॥

કો વાસસા પર્ય્ અદધાત્
કો અસ્યાયુર્ અકલ્પયત્ ।
બલં કો અસ્મૈ પ્રાયચ્છત્
કો અસ્યાકલ્પયજ્ જવમ્ ॥

કો અસ્મિન્ યજ્ઞમ્ અદધાદ્
એકો અગ્રે અધિ પૂરુષે ।
કો અસ્મિન્ સત્યં કો ઽનૃતં
કો મૃત્યું કો ઽમૃતં દધૌ

કેનાપો અન્વ્ અતનુત
કેનાહર્ અકૃણોદ્ રુચે ।
ઉષસં કેનાન્વૈન્ધ
કેન સાયંભવં દદે ॥

કેનેમાં ભૂમિમ્ ઔર્ણોત્
કેન પર્ય્ અભવદ્ દિવમ્ ।
કેનાભિ મહ્ના પર્વતાન્
કેન કર્માણિ પૂરુષઃ ॥