પૈપ્પલાદ-સંહિતા · અધ્યાય 16.61

કેન દેવાઁ અનુ ક્ષિયતિ
કેન દૈવીર્ અજનયદ્ દિશઃ ।
કેનેદમ્ અન્યન્ નક્ષત્રં
કેન સત્ ક્ષત્રમ્ ઉચ્યતે ॥

કેન પર્જન્યમ્ આપ્નોતિ
કેન સોમં વિચક્ષણમ્ ।
કેનેમમ્ અગ્નિં પુરુષઃ
કેન સંવત્સરં મમે ॥

કેનેયં ભૂમિર્ નિહિતા
કેન દ્યૌર્ ઉત્તરા હિતા ।
કેનેદમ્ ઊર્ધ્વં તિર્યક્ ચ-
-અન્તરિક્ષં વ્યચો હિતમ્ ॥

બ્રહ્મણા ભૂમિર્ નિહિતા
બ્રહ્મ દ્યામ્ ઉત્તરાં દધૌ ।
બ્રહ્મેદમ્ ઊર્ધ્વં તિર્યક્ ચ-
-અન્તરિક્ષં વ્યચો હિતમ્ ॥

કેન શ્રોત્રિયમ્ આપ્નોતિ
કેનેમં પરમેષ્ઠિનમ્ ।
કેન યજ્ઞશ્ ચ શ્રદ્ધા ચ
કેનાસ્મિન્ નિહિતં મનઃ ॥

બ્રહ્મ શ્રોત્રિયમ્ આપ્નોતિ
બ્રહ્મેમં પરમેષ્ઠિનમ્ ।
બ્રહ્મ યજ્ઞશ્ ચ શ્રદ્ધા ચ
બ્રહ્માસ્મિન્ નિહિતં મનઃ ॥

ક ઇદમ્ અસ્થ્ય્ અસૃજત
ક ઇદં માંસં સમ્ અભરત્ ।
ક ઇમાં ત્વચં ચ લોમ ચ
ક ઇદં રૂપં સમ્ ઐરયત્ ॥

બ્રહ્માસ્થ્ય્ અસૃજત
બ્રહ્મ માંસં સમ્ અભરત્ ।
બ્રહ્મ ત્વચં ચ લોમ ચ
બ્રહ્મ રૂપં સમ્ ઐરયત્ ॥

ક ઇદં ચક્ષુર્ અસૃજત
કઃ પ્રાણં ખેષ્વ્ આવયત્ ।
ક ઇદં મનશ્ ચ વાચં ચ
ક ઇમાં સમ્ અભરત્ પુરમ્ ॥

બ્રહ્મ ચક્ષુર્ અસૃજત
બ્રહ્મ ખે પ્રાણમ્ આવયત્ ।
બ્રહ્મ મનશ્ ચ વાચં ચ
બ્રહ્મ સમ્ અભરત્ પુરમ્ ॥