પૈપ્પલાદ-સંહિતા · અધ્યાય 16.40

અગ્નિમ્ અન્તશ્ છાદયસિ
પુરુષાન્ પશુભિઃ સહ ।
વિજાવતિ પ્રજાવતિ
વિ તે પાશાંશ્ ચૃતામસિ ॥

ઊર્જસ્વતી ઘૃતવતી
પૃથિવ્યાં નિમિતા મિતા ।
વિશ્વાન્નં બિભ્રતી શાલા
મા હિંસીઃ પ્રતિગૃહ્ણતઃ ॥

યસ્ ત્વા પૂર્વો નિમિમાય
સંજભાર વનસ્પતીન્ ।
પ્રજાયૈ ચક્રે ત્વા શાલે
પરમેષ્ઠી પ્રજાપતિઃ ॥

નમસ્ તસ્મૈ નમો દાત્રે
શાલાપતયે ચ કૃણ્મસિ ।
નમો ઽગ્નયે પ્રચરતે
પુરુષાય ચ તે નમઃ ॥

ગોભ્યો અશ્વેભ્યો નમો
યચ્ છાલાયાં વિજાયતે ।
અન્તરા દ્યાં ચ પૃથિવીં ચ યદ્ વ્યચસ્
તેન શાલાં પ્રતિ ગૃહ્ણામિ ત ઇમામ્ ॥

યદ્ અન્તરિક્ષં રજસો વિમાનં
તત્ કૃણ્વ ઉદરં શેવધિભ્યઃ ।
યચ્ છાલાં પ્રતિ ગૃણામિ તસ્મૈ ॥

તૃણૈર્ આવૃતા પલદાન્ વસાના
રાત્રીવ શાલા જગતો નિવેશની ।
મિતા પૃથિવ્યાં તિષ્ઠતિ
હસ્તિનીવ પદ્વતી ॥

યા દ્વિપક્ષા ચતુષ્પક્ષા
ષટ્પક્ષા યા નિમીયતે ।
અષ્ટાપક્ષાં દશપક્ષાં
શાલાં માનસ્ય પત્નીમ્
અગ્નિર્ ગર્ભ ઇવા શયે ॥

ઇટસ્ય તે વિ ચૃતામ્ય્
અપિનદ્ધમ્ અપોર્ણુવન્ ।
વરુણેન સમુબ્જિતાં
મિત્રઃ પ્રાતર્ વ્ય્ ઉબ્જતુ ॥

કુલાયે ઽધિ કુલાયાં
કોશે કોશઃ સમુબ્જિતઃ ।
તત્ર મર્તો વિ જાયતે
યસ્માદ્ વિશ્વં પ્રજાયતે ॥