પૈપ્પલાદ-સંહિતા · અધ્યાય 16.39

ઉપમિતઃ પ્રતિમિતો
ઽથો પરિમિતશ્ ચ યાઃ ।
શાલાયા વિશ્વવારાયા
નદ્ધાનિ વિ ચૃતામસિ ॥

યત્ તે નદ્ધં વિશ્વવારે
પાશો ગ્રન્થિશ્ ચ યઃ કૃતઃ ।
બૃહસ્પતિર્ ઇવાહં બલં
વાચા વિ સ્રંસયામિ તત્ ॥

આ યયામ સં બબર્હ
ગ્રન્થિં ચકાર તે દૃઢમ્ ।
પરૂંષિ વિદ્વાં શસ્તેવ-
-ઇન્દ્રેણ વિ ચૃતામસિ ॥

સંદંશાનાં પલદાનાં
પરિષ્વઞ્જલ્યસ્ય ચ ।
સર્વા માનસ્ય પત્ન્યા તે
નદ્ધાનિ વિ ચૃતામસિ ॥

વંશાનાં તે નહનાનિ
પ્રાણાહસ્ય તૃણસ્ય ચ ।
પક્ષાણાં વિશ્વવારે તે
નદ્ધાનિ વિ ચૃતામસિ ॥

યાનિ તે અન્તઃ શિક્યાન્ય્
આબેધૂ રણ્યાય કમ્ ।
પ્ર તે તાનિ વિ ચૃતામસિ
શિવા માનસ્ય પત્નિ ન
ઉદ્ધિતા તન્વે ભવ ॥

હવિર્ધાનમ્ અગ્નિશાલં
પત્નીનાં સદનં સદઃ ।
સદો દેવાનામ્ અસિ દેવિ શાલે ॥

અક્ષુમ્ ઓપશં વિતતં
સહસ્રાક્ષં વિષૂવતિ ।
અપિનદ્ધમ્ અભિહિતં
બ્રહ્મણા વિ ચૃતામસિ ॥

યશ્ ચ ત્વા પ્રતિ ગૃહ્ણાતિ
યેન ચાસિ મિતા ત્વમ્ ।
ઉભૌ માનસ્ય પત્નિ તૌ
જીવતાં જરદષ્ટી ॥

અમુત્રૈનમ્ આ ગચ્છતાદ્
દૃઢા નદ્ધા પરિષ્કૃતા ।
તસ્યાસ્ તે વિ ચૃતામસ્ય્
અઙ્ગમઙ્ગં પરુષ્પરુઃ ॥