પૈપ્પલાદ-સંહિતા · અધ્યાય 16.3

આ રભસ્વેમામ્ અમૃતસ્ય શ્નુષ્ટિમ્
અચ્છિદ્યમાના જરદષ્ટિર્ અસ્તુ તે ।
અસું ત આયુઃ પુનર્ આ ભરામિ
રજસ્ તમો મોપ ગા મા પ્ર મેષ્ઠાઃ ॥

જીવતાં જ્યોતિર્ અભ્ય્ એહિ લોકમ્
આ ત્વા હરામિ શતશારદાય ।
દ્રાઘીય આયુઃ પ્રતરં તે કૃણોમ્ય્
અવ મુઞ્ચન્તુ મૃત્યુપાશા અશસ્તીઃ ॥

વાતાત્ તે પ્રાણમ્ અવિદં
સૂર્યાચ્ ચક્ષુર્ અહં પરિ ।
યત્ તે મનસ્ ત્વયિ તદ્ ધારયામિ
સં વિત્સ્વાઙ્ગૈર્ વદ જિહ્વયાલપન્ ॥

પ્રાણેન ત્વાં દ્વિપદાં ચતુષ્પદામ્
અગ્નિમ્ ઇવ જાતમ્ અભિ સં ધમામિ ।
નમસ્ તે મૃત્યો ચક્ષુષે
નમઃ પ્રાણાય તે ઽકરમ્ ॥

અયં જીવતુ મા મૃત-
-ઇમં સમ્ ઈરયામસિ ।
કૃણોમ્ય્ અસ્મૈ ભેષજં
મૃત્યો મા પુરુષં વધીઃ ॥

જીવલાં નઘારિષાં
જીવન્તીમ્ ઓષધીમ્ અહમ્ ।
ત્રાયમાણાં સહમાનાં
સહસ્વતીમ્ અરુન્ધતીમ્
ઇહ હુવે ઽસ્મા અરિષ્ટતાતયે ॥

અધિ બ્રૂહિ મા રભથાઃ સૃજેમં
તવૈવ સન્ત્ સર્વહાયા ઇહાસ્તુ ।
ભવાશર્વૌ મૃડતં શર્મ યચ્છતમ્
અપસિધ્ય દુરિતં ધત્તમ્ આયુઃ ॥

દેવાનાં હેતિઃ પરિ ત્વા વૃણક્તુ
પારયામિ રજસ ઉત્ ત્વા મૃત્યોર્ અપીપરમ્ ।
આરાદ્ અગ્નિં ક્રવ્યાદં નિરૂહન્
જિવાતવે તે પરિધિં દધામિ ॥

અસ્મૈ મૃત્યો અધિ બ્રૂહિ -
-ઇમં દયસ્વોદ્ ઇતો ઽયમ્ એતુ ।
અરિષ્ટઃ સર્વાઙ્ગઃ સુશ્રુજ્ જરસા
શતહાયનાત્મના ભુજમ્ અશ્નવત્ ॥

યત્ તે નિયાનં રજસં
મૃત્યો અનવધરિષ્યમ્ ।
પથ ઇમં તસ્માદ્ રક્ષન્તો
બ્રહ્માસ્મૈ વર્મ કૃણ્મસિ ॥