પૈપ્પલાદ-સંહિતા · અધ્યાય 16.4

કૃણોમિ તે પ્રાણાપાનૌ
જરાં મૃત્યું કૃણુતાં દીર્ઘમ્ આયુઃ સ્વસ્તિ ।
વૈવસ્વતેન પ્રહિતાન્ યમદૂતાંશ્
ચરત આરાદ્ અપ સેધામિ સર્વાન્ ॥

આરાદ્ અરાતિં નિરૃતિં
પરો ગ્રાહિં ક્રવ્યાદઃ પિશચાન્ ।
રક્ષો યત્ સર્વં દુર્ભૂતં
તત્ તમ ઇવાપ હન્મસિ ॥

અગ્નેષ્ ટે પ્રાણમ્ અમૃતાદ્
આયુષ્મતો મનવે જાતવેદસઃ ।
યથા ન રિષ્યા અમૃતઃ સજૂર્ અસસ્
તત્ તે કૃણોમિ તદ્ ઉ તે સમ્ ઋધ્યતામ્ ॥

શિવે તે સ્તાં દ્યાવાપૃથિવી
અસન્તાપે અધિશ્રિયૌ ।
શં તે સૂર્ય આ તપતિ
શં વાતો વાતુ તે હૃદે ।
શિવા અભિ ક્ષરન્તુ ત્વા-
-આપો દિવ્યાઃ પયસ્વતીઃ
શિવાસ્ તે સન્ત્વ્ ઓષધીઃ ॥

ઉત્ ત્વાહાર્ષમ્ અધરસ્યાદ્
ઉત્તરાં પૃથિવીમ્ અભિ ।
તત્ર ત્વાદિત્યૌ રક્ષતાં
સૂર્યાશ્ ચન્દ્રમસા ઉભા ॥

યત્ તે વાસઃ પરિધાનં
યાં નીવિં કૃણુષે ત્વમ્ ।
શિવં તે તન્વે તત્ કૃણ્મઃ
સંસ્પર્શે ઽધ્રૂક્ષ્ણમ્ અસ્તુ તે ॥

યત્ ક્ષુરેણ મર્ચયતા સુતેજસા
વપ્તા વપસિ કેશશ્મસ્રુ ।
શુમ્ભં મુખં મૈનમ્ આયુઃ પ્ર મોષીઃ ॥

શિવૌ તે સ્તાં વ્રીહિયવાવ્
અબલાસાવ્ અદોમધૌ ।
એતૌ યક્ષ્મં વિ બાધેતે
એતૌ મુઞ્ચતો અંહસઃ ॥

યદ્ અશ્નાસિ યત્ પિબસિ
ધાન્યં કૃષ્યાઃ પયઃ ।
આદ્યં યદ્ અનાદ્યં
સર્વં તે અન્નમ્ અવિષં કૃણોમિ ॥

અહ્ને ચ ત્વા રાત્રયે ચ-
-ઉભાભ્યાં પરિ દધ્મસિ ।
અરાયેભ્યો જિઘત્સુભ્ય
ઇમં નઃ પરિ રક્ષત ॥