પૈપ્પલાદ-સંહિતા · અધ્યાય 16.2

રક્ષન્તુ ત્વાગ્નયો યે અપ્સ્વ્ અન્તા
રક્ષતુ ત્વા મનુષ્યા યમ્ ઇન્ધતે ।
વૈશ્વાનરો રક્ષતુ જાતવેદા
દિવ્યસ્ ત્વા મા પ્ર ધાગ્ વિદ્યુતા સહ ॥

રક્ષતુ ત્વા પૃથિવી રક્ષતુ દ્યૌસ્
સૂર્યશ્ ચ ત્વા રક્ષતાં ચન્દ્રમાશ્ ચ ।
મા ત્વા ક્રવ્યાદ્ અભિ મંસ્ત-
-આરાત્ સંકસુકાચ્ ચર ॥

અન્તરિક્ષં રક્ષતુ દેવહેત્યા
બોધશ્ ચ ત્વા પ્રતીબોધશ્ ચ રક્ષતામ્ ।
અસ્વપ્નશ્ ચ ત્વાનવદ્રાણશ્ ચ રક્ષતાં
ગોપાયંશ્ ચ ત્વા રક્ષતાં જાગૃવિશ્ ચ ॥

તે ત્વા રક્ષન્તુ તે ત્વા ગોપાયન્તુ તે ત્વાંહસસ્ પાન્તુ ।
તેભ્યો નમસ્ તેભ્યઃ સ્વાહા ॥

જીવેભ્યસ્ ત્વા સમુદે વાયુર્ ઇન્દ્રો
ધાતા દધાતુ સવિતા ત્રાયમાણઃ ।
મા ત્વા પ્રાણો બલં હાસીદ્
અસું તે ઽનુ હ્વયામસિ ॥

મા ત્વા જમ્ભઃ સંહનુર્ મા તમો વિદન્
મા જિહ્વા બર્હિઃ પ્રમયુઃ કથા સ્યાઃ ।
ઉત્ ત્વાદિત્યા વસવો ભરન્તુ-
-ઉદ્ ઇન્દ્રાગ્ની સ્વસ્તયે ॥

અયં દેવા ઇહૈવાસ્ત્વ્
અયં મામુત્ર ગાદ્ ઇતઃ ।
ઇમં સહસ્રવીર્યેણ
મૃત્યોર્ ઉત્ પારયામસિ ॥

ઉત્ ત્વા મૃત્યોર્ અપીપરં
સં ધમન્તુ વયોધસઃ ।
મા ત્વા વ્યસ્તકેશ્યો
મા ત્વાઘરુદો રુદન્ ॥

આહાર્ષં ત્વાવિદં ત્વા
પુનર્ આગાઃ પુનર્ણવઃ ।
સર્વાઙ્ગ સર્વં તે ચક્ષુઃ
સર્વમ્ આયુશ્ ચ તે ઽવિદમ્ ॥

ઉત્ ત્વા દ્યૌર્ ઉત્ પૃથિવ્ય્
ઉત્ પ્રજાપતિર્ અગ્રભીત્ ।
ઉત્ ત્વા મૃત્યોર્ ઓષધયઃ ।
સોમરાજ્ઞીર્ અપીપરન્ ॥

યાવત્ તે જ્યોતિર્ અભૂદ્
અપ ત્વત્ તમો અક્રમીત્ ।
અપ ત્વન્ મૃત્યું નિરૃતિમ્
અપ યક્ષ્મં નિ દધ્મસિ ॥