પૈપ્પલાદ-સંહિતા · અધ્યાય 16.29

ઇન્દ્રો મન્થતુ મન્થિતા
શક્રઃ શૂરઃ પુરન્દરઃ ।
યથા હનામ સેનામ્
અમિત્રાણાં સહસ્રશઃ ॥

પૂતિરજ્જુર્ ઉપધ્માની
પૂતિં સેનાં કૃણોત્વ્ અમૂમ્ ।
અગ્નિં ધૂમં પરાદૃશ્ય
હૃત્સ્વ્ આ દધતાં ભયમ્ ॥

પરુષાન્ અમૂન્ પરુષાહ્વઃ કૃણોતુ
હન્ત્ય્ એનાન્ વધકો વધૈઃ ।
ક્ષિપ્રં શર ઇવ ભજ્યન્તાં
બૃહજ્જાલેન સંજિતાઃ ॥

અમૂન્ અશ્વત્થ નિ શૃણીહિ
ખાદામૂન્ ખદિરાજિરમ્ ।
તાજદ્ભઙ્ગ ઇવ ભજ્યન્તાં
બૃહજ્જાલેન સંજિતાઃ ॥

અન્તરિક્ષં જાલમ્ આસીજ્
જાલદણ્ડા દિશો મહીઃ ।
તેનાભિદાય સેનામ્
ઇન્દ્રો દસ્યૂન્ અપાવપત્ ॥

બૃહત્ તે જાલં બૃહત ઇન્દ્ર શૂર
સહસ્રાર્ઘસ્ય શતવીર્યસ્ય ।
તેના ન્ય્ ઉબ્જ મઘવન્ન્ અમિત્રાન્
શશ્વતીભ્યઃ સમાભ્યઃ ॥

બૃહત્ તે જાલં બૃહતશ્
શક્રસ્ય વાજિનીવતઃ ।
તેના શતં સહસ્રમ્ અયુતં જઘાન-
-ઇન્દ્રો દસ્યૂનામ્ અભિધાય સેનામ્ ॥

અયં લોકો જાલમ્ આસીચ્
છક્રસ્ય મહતો મહાન્ ।
તેનાહમ્ ઇન્દ્રજાલેન
તમસામૂન્ અભિ દધામિ સર્વાન્ ॥

સેદિર્ ઉગ્રાવર્તિર્
આર્તિશ્ ચાનપવાચના ।
શ્રમસ્ તન્દ્રીશ્ ચ મોહશ્ ચ
તૈર્ અમૂન્ અભિ દધામિ સર્વાન્ ॥

મૃત્યવે અમૂન્ પ્ર યચ્છામિ
મૃત્યુપાશૈર્ અમી સિતાઃ ।
મૃત્યોર્ યે અઘલા દૂતાસ્
તેભ્ય એનાન્ પ્રતિ નયામિ બદ્ધ્વા ॥