પૈપ્પલાદ-સંહિતા · અધ્યાય 16.28

ઉત્તમો અસ્ય્ ઓષધીનામ્
અનડ્વાન્ જગતામ્ ઇવ
વ્યાઘ્રઃ શ્વપદામ્ ઇવ ।
યમ્ ઐચ્છામાવદામ તં
પ્રતિસ્પાશનમ્ અબ્રુવન્ ॥

સ ઇદ્ વ્યાઘ્રો ભવત્ય્
અથો સિંહો અથો વૃષા
સર્વા દિશો વિ રાજતિ
યો બિભર્તીમં મણિમ્ ॥

નૈનં ઘ્નન્ત્ય્ અપ્સરસો
ન ગન્ધર્વા ન મર્ત્યાઃ ।
સર્વા દિશો વિ રાજાતિ
યો બિભર્તીમં મણિમ્ ॥

કશ્યપસ્ ત્વામ્ અસૃજત
કશ્યપસ્ ત્વાં સમૈરયત્ ।
અબિભસ્ ત્વેન્દ્રો માનુષે
બિભ્રત્ સંશ્રેષિણે ઽજયત્ ॥

મણિં સપત્નજમ્ભનં
વર્મ દેવા અબધ્નત ।
યસ્ ત્વા કૃત્યાભિર્
યસ્ ત્વા દીક્ષાભિર્
યસ્ ત્વા યજ્ઞૈર્ જિઘાંસતિ ।
પ્રત્યક્ ત્વમ્ ઇન્દ્ર તં જહિ
વજ્રેણ શતપર્વણા ॥

અયમ્ ઇદ્ વૈ પ્રતીવર્તઃ
સહસ્વાન્ સઞ્જયો મણિઃ ।
પ્રજાં ધનં ચ રક્ષતુ
પરિપાણઃ સુમઙ્ગલઃ ॥

અસપત્નં નો અધરાદ્
અસપત્નં ન ઉત્તરાત્ ।
ઇન્દ્રાસપત્નં નઃ પશ્ચાજ્
જ્યોતિઃ શૂર પુરસ્ કૃધિ ॥

ઐન્દ્રાગ્નં વર્મ બહુલં યદ્ ઉગ્રં
વિશ્વે દેવા નાતિ વિધ્યન્તિ સર્વે ।
તત્ તે તન્વં ત્રાયતાં સર્વતો
બૃહદ્ આયુષ્માન્ જરદષ્ટિર્ યથાસત્ ॥

આ ત્વારુક્ષદ્ દેવમણિર્
મહ્યા અરિષ્ટતાતયે ।
ઇમં મેથિમ્ અભિસંવિશધ્વં
તનૂપાનં ત્રિવરૂથમ્ ઓજસે ॥

અસ્મિન્ન્ ઇન્દ્રો નિ દધાતુ નૃમ્ણમ્
ઇમં દેવાસો અભિસંવિશધ્વમ્ ।
દીર્ઘાયુત્વાય શતશારદાય-
-આયુષ્માન્ જરદષ્ટિર્ યથાસત્ ॥

ઇન્દ્રો બધ્નાતુ તે મણિં જિગીવાઁ
અપરાજિતઃ સોમપા અભયઙ્કરો વૃષા ।
સ ત્વા રક્ષતુ સર્વદા
દિવા નક્તં ચ વિશ્વતઃ ॥