પૈપ્પલાદ-સંહિતા · અધ્યાય 16.30

મૃત્યુદૂતા અમૂન્ નયત
યમદૂતા અપોમ્ભત ।
પરઃ સહસ્રા હન્યન્તાં
તૃણેઢ્વ્ એનાન્ મત્યં ભવસ્ય ॥

સાધ્યા એકં જાલદણ્ડમ્
ઉદ્યત્ય યન્ત્ય્ ઓજસા ।
રુદ્રા દ્વિતીયં વસવસ્ તૃતીયમ્
આદિત્યૈર્ એક ઉદ્યતઃ ॥

વિશ્વે દેવા ઉપરિષ્ટાદ્
ઉબ્જન્તો યન્ત્વ્ ઓજસા ।
મધ્યેન ઘ્નન્તો યન્તુ
સેનામ્ અઙ્ગિરસો વધૈઃ ॥

વનસ્પતીન્ વાનસ્પત્યાન્
ઓષધીર્ ઉત વીરુધઃ ।
દ્વિપાચ્ ચતુષ્પાદ્ ઇષ્ણામિ
યથા સેનામ્ અમૂં હનત્ ॥

ગન્ધર્વાપ્સરસો દેવાન્
સર્પાન્ પુણ્યજનાન્ પિતૄન્ ।
દૃષ્ટાન્ અદૃષ્ટાન્ ઇષ્ણામિ
યથા સેનામ્ અમૂં હનત્ ॥

મૃત્યુપાશા ઇમે યુક્તા
યાન્ આક્રમ્ય ન મુચ્યસે ।
અમુષ્યા હન્તુ સેનાયા
ઇદં કૂટં સહસ્રશઃ ॥

ઘર્મઃ સમિદ્ધો અગ્નિના-
-અયં હોમઃ સહસ્રહા ।
ભવશ્ ચ પૃશ્નિબાહુઃ
શર્વ સેનામ્ અમૂં હતમ્ ॥

મૃત્યોર્ ઓષમ્ આ પદ્યન્તાં
ક્ષુધં સેદિં વધં ભયમ્ ।
ઇન્દ્રશ્ ચાક્ષુજાલાભ્યાં
શર્વ સેનામ્ અમૂં હતમ્ ॥

પરાજિતાઃ પ્ર ત્રસતામિત્રા
જિતા ધાવત બ્રહ્મણા ।
બૃહસ્પતિપ્રણુત્તાનાં
મામીષાં મોચિ કશ્ ચન ॥

અવ પદ્યન્તામ્ એષામ્ આયુધાનિ
મા શકન્ પ્રતિધામ્ ઇષુમ્ ।
અથૈષાં બહુ બિભ્યતામ્
ઇષવો ઘ્નન્તુ મર્મણિ ॥

સમ્ એનાન્ ક્રોશતાં દ્યાવાપૃથિવી ઉભે
સમ્ અન્તરિક્ષં સહ દેવતાભિઃ ।
મા જ્ઞાતારં મા પ્રતિષ્ઠાં વિદન્ત
મિથો ઽપિઘ્નાના ઉપ યન્તુ મૃત્યુમ્ ॥