પૈપ્પલાદ-સંહિતા · અધ્યાય 16.22

પ્રાણો મૃત્યુઃ પ્રાણો અમૃતં
પ્રાણં દેવા ઉપાસતે ।
પ્રાણો હ સત્યવાદિનમ્
ઉત્તમે લોક આ દધત્ ॥

પ્રાણો વિરાટ્ પ્રાણો દેષ્ટ્રી
પ્રાણં સર્વા ઉપાસતે ।
પ્રાણો ઽગ્નિશ્ ચન્દ્રમાઃ સૂર્યઃ
પ્રાણમ્ આહુઃ પ્રજાપતિમ્ ॥

પ્રાણાપાનૌ વ્રીહયવાવ્
અનડ્વાન્ પ્રાણ ઉચ્યતે ।
યવે હ પ્રાણ આહિતો
અપાનો વ્રીહિર્ ઉચ્યતે ॥

અપાનતિ પ્રાણતિ
પુરુષો ગર્ભે અન્તઃ ।
યદા ત્વં પ્રાણ જિન્વસ્ય્
અથ સ જાયતે ત્વત્ ॥

પ્રાણમ્ આહુર્ માતરિશ્વાનં
વાતો હ પ્રાણ ઉચ્યતે ।
પ્રાણે હ ભૂતં ભવ્યં ચ
પ્રાણે સર્વં સમાહિતમ્ ॥

આથર્વણીર્ આઙ્ગિરસીર્
દૈવીર્ મનુષ્યજાશ્ ચ યાઃ ।
સર્વાઃ પ્ર મોદન્ત ઓષધીર્
યદા ત્વં પ્રાણ જિન્વસિ ॥

યદા પ્રાણો અભ્યવર્ષીદ્
વર્ષેણ પૃથિવીં મહીમ્ ।
ઓષધયઃ પ્ર મોદન્તે
અથો યાઃ કાશ્ ચ વીરુધઃ ॥

યસ્ તે પ્રાણેદં વેદ
યસ્મિંશ્ ચાસિ પ્રતિષ્ઠિતઃ ।
સર્વે અસ્મૈ બલિં હરાન્
અમુષ્મિંલ્ લોક ઉત્તમે ॥

યથા પ્રાણ બલિહૃતસ્
તુભ્યં સર્વાઃ પ્રજા ઇમાઃ ।
એવા તસ્મૈ બલિં હરાન્
યસ્ ત્વા શુશ્રાવ શુશ્રુવુઃ ॥

અન્તર્ગર્ભશ્ ચરતિ દેવતાસ્વ્
આભૂતો ભૂતઃ સ ઉ જાયતે પુનઃ ।
સ ભૂતં ભવ્યં ભુવનં ભવિષ્યત્
પિતા પુત્રં પ્ર વિવેશા શચીભિઃ ॥