પૈપ્પલાદ-સંહિતા · અધ્યાય 16.16

પૈદ્વસ્ય મન્મહે વયં
સ્થિરસ્ય સ્થિરધામ્નઃ ।
ઇમે પશ્ચાત્ પૃદાકવઃ
પ્રદીધ્યત આસતે ॥

નષ્ટાસવો નષ્ટવિષા
હતા ઇન્દ્રેણ વજ્રિણા ।
જઘાનેન્દ્રો જઘ્નિમા વયમ્ ॥

હતાસ્ તિરશ્ચિરાજયો
નિપિષ્ટાસઃ પૃદાકવઃ ।
દર્વિં કરિક્રતં શ્વિત્રં
દર્ભેષ્વ્ અસિતં જહિ ॥

કૈરાતિકા કુમારિકા
સખા ખનતિ ભેષજમ્ ।
હિરણ્યયીભિર્ અભ્રિભિર્
ગિરીણામ્ ઉપ સાનુષુ ॥

આયમ્ અગન્ યુવા ભિષક્
પૃશ્નિહાપરાજિતઃ ।
સ વૈ સ્વજસ્ય જમ્ભન
ઉભયોર્ વૃશ્ચિકસ્ય ચ ॥

ઇન્દ્રો મે ઽહીન્ અજમ્ભયન્
મિત્રશ્ ચ વરુણશ્ ચ ।
વાતાપર્જન્યોભા ॥

પૈદ્વો મે ઽહીન્ અજમ્ભયત્
પૃદાકૂંશ્ ચ પૃદાક્વઃ ।
સ્વજાન્ તિરશ્ચિરાજીન્
કસર્ણીલાન્ દશોનશીન્ ॥

ઇન્દ્રો જઘાન પ્રથમો
જનિતારમ્ અહે તવ ।
તેષાં વસ્ તૃહ્યમાણાનાં
કઃ સ્વિત્ તેષામ્ અસદ્ રસઃ ॥

સં હિ શીર્ષાણ્ય્ અગ્રભં
પૌઞ્જિષ્ટ ઇવ કર્વરમ્ ।
સિન્ધોર્ મધ્યં પરેત્ય
વ્ય્ અનિજમ્ અહેર્ વિષમ્ ॥

અહીનાં સર્વેષાં વિષં
પરા વહન્તુ સિન્ધવઃ ।
હતાસ્ તિરશ્ચિરાજયો
નિપિષ્ટાસઃ પૃદાકવઃ ॥