પૈપ્પલાદ-સંહિતા · અધ્યાય 16.15

ઇન્દ્રસ્ય પ્રથમો રથો
દેવાનામ્ અપરો રથો
વરુણસ્ય તૃતીય ઇત્ ।
અહીનામ્ અપમા રથ
સ્થાણુમ્ આરદ્ અથા રિષત્ ॥

દર્ભઃ શોચિસ્ તરૂણકમ્
અશ્વસ્ય વારઃ પુરુષસ્ય વારઃ ।
રથસ્ય બન્ધુરમ્
અહીનામ્ અરસં વિષં વાર્ ઇદ્ ઉગ્રમ્ ॥

અવ શ્વેત પદા જહિ
પૂર્વેણ ચાપરેણ ચ ।
ઉદપ્લુતમ્ ઇવ દાર્વ્
અહીનામ્ અરસં વિષં વાર્ ઇદ્ ઉગ્રમ્ ॥

અરંઘસો નિમજ્ય-
-ઉન્મજ્ય પુનર્ અબ્રવીત્ ।
ઉદપ્લુતમ્ ઇવ દાર્વ્
અહીનામ્ અરસં વિષં વાર્ ઇદ્ ઉગ્રમ્ ॥

પૈદ્વો હન્તિ કષર્ણીલં
પૈદ્વઃ શ્વિત્રમ્ ઉતાસિતમ્ ।
પૈદ્વો રથર્વ્યાઃ શિરઃ
સં બિભેદ પૃદાક્વાઃ ॥

પૈદ્વ પ્રેહિ પ્રથમો
અનુ ત્વા વયમ્ એમસિ ।
અહીન્ વ્ય્ અસ્યતાત્ પથો
યેન સ્મા વયમ્ એમસિ ॥

ઇદં પૈદ્વો અજાયત-
-ઇદમ્ અસ્ય પરાયણમ્ ।
ઇમાન્ય્ અર્વતઃ પદા-
-અહિઘ્ન્યો વાજિનીવતઃ ॥

સંયતં ન વિ ષ્પરદ્
વ્યાત્તં ન સં યમત્ ।
અસ્મિન્ ક્ષેત્રે દ્વાવ્ અહી
સ્ત્રી ચ પુમાંશ્ ચ તા ઉભા અરસા ॥

અરસાસ ઇહાહયો
યે અન્તિ યે ચ દૂરકે ।
ઘનેન હન્મિ વૃશ્ચિકમ્
અહિં દણ્ડેનાગતમ્ ॥

અઘાશ્વસ્યેદં ભેષજમ્
ઉભયોઃ સ્વજસ્ય ચ ।
ઇન્દ્રો મહ્યમ્ અઘાયન્તમ્
અહિં પૈદ્વો અરુન્ધયત્ ॥