પૈપ્પલાદ-સંહિતા · અધ્યાય 16.17

ઓષધીનામ્ અહં વૃણ
ઉર્વરીર્ ઇવ સાધુયા ।
નયામ્ય્ અર્વતીર્ ઇવ-
-અહે નિર્ ઐતુ તે વિષમ્ ॥

યદ્ અગ્નૌ સૂર્યે વિષં
પૃથિવ્યામ્ ઓષધીષુ યત્ ।
કાન્દાવિષં કનિક્લકં
નિર્ ઐત્વ્ ઐતુ તે વહિઃ ॥

અઙ્ગાદઙ્ગાત્ પ્ર ચ્યાવય
હૃદયં પરિ વર્જય ।
અધા વિષસ્ય યત્ તેજો
અવાચીનં તદ્ એતુ તે ॥

અગ્ને ત્રાયસ્વ વિમદં નયેમં
પુનર્ ધેહિ જીવસે જાતવેદઃ ।
મા તે હેડાંસિ દુરિતાવ ગન્મ
માહિર્ વધીદ્ વિષતઃ પુરુષં નઃ ॥

યે અગ્નિજા ઓષધિજા અહીનાં
યે અભ્રજા વિદ્યુત આ બભૂવુઃ ।
તેષાં જાતાનિ બહુધા બહૂનિ
તેભ્યઃ સર્પેભ્યો નમસા વિધેમ ॥

તૌદી નામાસિ કન્યા
ઘૃતાચી નામ વા અસિ ।
અધસ્પદેન તે પદોર્
આ દદે વિષદૂષણમ્ ॥

આરે અભૂદ્ વિષમ્ અરૌદ્
વિષે વિષમ્ અપ્રાગ્ અપિ ।
અગ્નિર્ અહેર્ નિર્ અધાગ્ વિષં સોમો નિર્ અણયીત્ ।
દંષ્ટારમ્ અન્વ્ અગાદ્ વિષમ્ અહિર્ અમૃત ॥