પૈપ્પલાદ-સંહિતા · અધ્યાય 17.1

સત્યં બૃહદ્ ઋતમ્ ઉગ્રં દીક્ષા તપો
બ્રહ્મ યજ્ઞઃ પૃથિવીં ધારયન્તિ ।
સા નો ભૂતસ્ય ભવ્યસ્ય પત્ન્ય્
ઉરું લોકં પૃથિવી નઃ કૃણોત્વ્
અસંબાધં મધ્યતો માનવેષુ ॥

યસ્યા ઉદ્યતઃ પ્રવતઃ સમં બહુ
નાનાવીર્યા ઓષધીર્ યા બિભર્તિ ।
પૃથિવી નઃ પ્રથતાં રાધ્યતાં નઃ ॥

યસ્યાં સમુદ્ર ઉત સિન્ધુર્ આપો
યસ્યાં દેવા અનૃતમ્ અન્વવિન્દન્ ।
યા બિભર્તિ બહુધા પ્રાણમ્ એજત્
સા નો ભૂમિર્ ગોષ્વ્ અશ્વેષ્વ્ અપ્ય્ અન્ને કૃણોતુ ॥

યસ્યાં પૂર્વે પૂર્વજના વિચક્રિરે
યસ્યાં દેવા અસુરાન્ અભ્યવર્તયન્ ।
યસ્યામ્ ઇદં જીવતિ વિશ્વમ્ એજત્
સા નો ભૂમિઃ પૂર્વપેયે દધાતુ ॥

યસ્યાં ચતસ્રઃ પ્રદિશઃ પૃથિવ્યાં
યસ્યામ્ અન્નં કૃષ્ટયઃ સંબભૂવુઃ ।
ગવામ્ અશ્વાનાં વયસશ્ ચ વિષ્ઠા
ભગં વર્ચઃ પૃથિવી નો દધાતુ ॥

વિશ્વંભરા વસુધાની પ્રતિષ્ઠા
હિરણ્યવક્ષા જગતો નિવેશનીઃ ।
વૈશ્વાનરં બિભ્રતી ભૂમિર્ અગ્નિમ્
ઇન્દ્રર્ષભા દ્રવિણે નો દધાતુ ॥

યસ્યામ્ આપઃ પરિચરાઃ સમાનીર્
અહોરાત્રે અપ્રમાદં ક્ષરન્તિ ।
સા નો ભૂમિર્ ભૂરિધારા પયો દુહામ્
અથો ઉક્ષતુ વર્ચસા ॥

યાં રક્ષન્ત્ય્ અસ્વપ્ના વિશ્વદાનીં
દેવા ભૂમિં પૃથિવીમ્ અપ્રમાદમ્ ।
સા નો મધુ પ્રિયં દુહામ્
અથો ઉક્ષતુ વર્ચસા ॥

યાર્ણવે ઽધિ સલિલમ્ અગ્ર આસીદ્
યાં માયાભિર્ અન્વચરન્ મનીષિણઃ ।
યસ્યાં હૃદયં પરમે વ્યોમન્ત્
સત્યેનાવૃતમ્ અમૃતં પૃથિવ્યાઃ ।
સા નો ભૂમિસ્ ત્વિષિં બલં રાષ્ટ્રે દધાતુ મે ॥

યામ્ અશ્વિનાવ્ અમિમાતાં
વિષ્ણુર્ યસ્યાં વિચક્રમે ।
ઇન્દ્રો યાં ચક્ર આત્મને
અનમિત્રાં છચીપતિઃ ।
સા નો ભૂમિર્ વિ સૃજતાં
માતા પુત્રાય નઃ પયઃ ॥