પૈપ્પલાદ-સંહિતા · અધ્યાય 16.154

અર્વાગ્ અન્યો દિવસ્ પૃષ્ઠાદ્
ઇતો ઽન્યઃ પૃથિવ્યા અગ્ની
સમેતો નભસી અન્તરેમે ।
તયોઃ શ્રયન્તે રશ્મયો ઽધિ દૃઢાસ્
તાન્ આ તિષ્ઠતિ તપસા બ્રહ્મચારી ॥

અભિક્રન્દન્ન્ અરુણઃ શિતિઙ્ગો
બૃહચ્છેપો ઽનુ ભૂમૌ જભાર ।
બ્રહ્મચારી સિઞ્ચતિ
સાનૌ રેતઃ પૃથિવ્યાં
તેન જીવન્તિ પ્રદિશશ્ ચતસ્રઃ ॥

પર્જન્યો મૃત્યુર્ વરુણઃ
સોમ ઓષધયઃ પયઃ ।
જીમૂતા આસન્ સત્વાનસ્
તૈર્ ઇદં સ્વર્ આભરન્ ॥

અગ્નૌ સૂર્યે ચન્દ્રમસિ
માતરિશ્વનિ બ્રહ્મચાર્ય્
અપ્સુ સમિધમ્ આ દધાતિ ।
તેષામ્ અર્ચીંષિ પૃથગ્ અભ્રે ચરન્તિ
તેષામ્ આજ્યં પુરુષો વર્ષમ્ અશ્વઃ ॥

અમા ઘૃતં કૃણુતે કેવલમ્
આચાર્યો ભૂત્વા વરુણો
યદ્યદ્ ઐચ્છત્ પ્રજાપતૌ ।
તદ્ બ્રહ્મચારી પ્રાયચ્છત્
સ્વાન્ મિત્રો અધ્ય્ આત્મનઃ ॥

આચાર્યો બ્રહ્મચારી
બ્રહ્મચારી પ્રજાપતિઃ ।
પ્રજાપતિર્ વિ રાજતિ
વિરાડ્ ઇન્દ્રો ઽભવદ્ વશી ॥

બ્રહ્મચર્યેણ તપસા
રાજા રાષ્ટ્રં વિ રક્ષતે ।
આચાર્યો બ્રહ્મચર્યેણ
બ્રહ્મચારિણમ્ ઇચ્છતે ॥

બ્રહ્મચર્યેણ કન્યા
યુવાનં વિન્દતે પતિમ્ ।
અનડ્વાન્ બ્રહ્મચર્યેણ-
-અશ્વો ઘાસં જિગીર્ષતિ ॥

બ્રહ્મચર્યેણ તપસા
દેવા મૃત્યુમ્ અપાજયન્ ।
ઇન્દ્રો હ બ્રહ્મચર્યેણ-
-અમૃતં સ્વર્ આભરત્ ॥

ઓષધયો ભૂતા ભવ્યમ્
અહોરાત્રે વનસ્પતયઃ ।
સંવત્સરઃ સહર્તુભિસ્
તે જાતા બ્રહ્મચારિણઃ ॥