પૈપ્પલાદ-સંહિતા · અધ્યાય 16.14

તસ્યામૃતસ્યેમં બલં
પુરુષં પારયામસિ ।
અથો કૃણોમિ ભેષજં
યથાસચ્ છતહાયનઃ ॥

વરાહો વેદ વીરુધં
નકુલો વેદ ભેષજીઃ ।
ગન્ધર્વાઃ સર્પા યા વિદુસ્
તા ઇહા યન્ત્વ્ ઓષધીઃ ॥

યાઃ સુપર્ણા આઙ્ગિરસીર્
દિવ્યા યા રઘટો વિદુઃ ।
વયાંસિ હંસા યા વિદુર્
યાશ્ ચ સર્વે પતત્રિણઃ ।
મૃગા યા વિદુર્ ઓષધીસ્
તા અસ્મા અવસે હુવે ॥

યાવતીનામ્ ઓષધીનાં
ગાવઃ પ્રાશ્નન્ત્ય્ અઘ્ન્યા
યાવતીનામ્ અજાવયઃ ।
તાવતીર્ વિશ્વભેષજીર્
આ ભરામિ ત્વામ્ અભિ ॥

યાવતીષુ મનુષ્યા
ભેષજં ભિષજો વિદુઃ ।
તાવતીસ્ તુભ્યમ્ આભૃતાઃ
શર્મ યચ્છન્ત્વ્ ઓષધીઃ ॥

પુષ્પવતીઃ પ્રસૂમતીઃ
ફલિનીર્ અફલા ઉત ।
સંમાતર ઇવ દુહ્રામ્
અસ્મા અરિષ્ટતાતયે ॥

ઉત્ ત્વાહાર્ષં પઞ્ચશલાદ્
ઉત્ ત્વા દશશલાદ્ ઉત ।
ઉત્ ત્વા યમસ્ય પડ્વીશાદ્
ઓષધીભિર્ અપીપરમ્ ॥