પૈપ્પલાદ-સંહિતા · અધ્યાય 16.132

અગમં સ્વર્ અગમં જ્યોતિર્
અભ્ય્ અષ્ઠાં વિશ્વાઃ પૃતના અરાતીઃ ।
યો +ઽસ્માન્ દ્વેષ્ટિ યં વયં દ્વિષ્મસ્
તસ્યેદં પ્રાણમ્ આયુર્ નિ વેષ્ટયામિ-
-ઇદમ્ એનમ્ અધમં તમો ગમયામિ ॥

સૂર્યસ્યાવૃતમ્ અન્વ્ આવર્તે દક્ષિણામ્ અન્વ્ આવૃતમ્ ।
દિશો જ્યોતિષ્મતીર્ અભિ પર્યાવર્તે
સપ્ત ઋષીન્ અભિ પર્યાવર્તે
બ્રહ્માભિ પર્યાવર્તે
બ્રાહ્મણાન્ અભિ પર્યાવર્તે ।
તે મે દ્રવિણં યચ્છન્તુ
તે મે બ્રાહ્મણવર્ચસમ્ ॥

યત્ તે ઽન્નં ભુવસ્પત
આક્ષિયતિ પૃથિવીમ્ અનુ ।
તસ્ય નસ્ ત્વં ભુવસ્પતે
સંપ્રયચ્છ પ્રજાપતે ।
યં વયં મૃગયામહે
તં વધૈ સ્તૃણવામહિ ॥

વ્યાત્તે પરમેષ્ઠિનો
બ્રહ્મણાપીપદામ તમ્ ।
વૈશ્વાનરસ્ય દંષ્ટ્રાભ્યાં
મૃત્યુસ્ તં સમધાદ્ અભિ ॥

ઇયં તં પ્સાત્વ્ આહુતિઃ
સમિદ્ દેવી સહીયસી ।
રાજ્ઞો વરુણસ્ય બન્ધો ઽસિ
સો *ઽમુમ્ આમુષ્યાયણમ્ અમુષ્યાઃ પુત્રમ્ અન્ને પ્રાણે બધાન ॥

અપામ્ અસ્મૈ વજ્રં પ્ર હરામિ
ચતુર્ભૃષ્ટિં શીર્ષભિદ્યાય વિદ્વાન્ ।
સો અસ્ય પર્વા પ્ર શૃણાતુ સર્વા
તન્ મે દેવા હ્ય્ અનુ જાનન્તુ વિશ્વે ॥

યદ્ અગ્ને તપસા તપ
ઉપ પ્રેક્ષામહે વયમ્ ।
પ્રિયાઃ શ્રુતસ્ય ભૂયાસ્મ-
-આયુષ્મન્તઃ સુમેધસઃ ॥