પૈપ્પલાદ-સંહિતા · અધ્યાય 16.134
(સોદ્ અક્રામત્) સા વનસ્પતીન્ આગચ્છત્
તાં વનસ્પતયો ઽઘ્નત
સા સંવત્સરે સમ્ અભવત્ ।
તસ્માત્ સંવત્સરે વનસ્પતીનાં વૃક્ણમ્ અપિ રોહતિ
વૃશ્ચ્યન્ત્ય્ અસ્યાપ્રિયં ભ્રાતૃવ્યં ય (એવં વેદ) ॥
(…) સા પિતૄન્ આગચ્છત્
તાં પિતરો ઽઘ્નત
સા માસે સમ્ અભવત્ ।
તસ્માન્ માસે પિતૃભ્યો દદતિ
સ્વધાવાન્ પિતૃષુ ભવતિ પ્ર પિતૃયાણં પન્થાં જાનાતિ યઃ (…) ॥
(…) સા દેવાન્ આગચ્છત્
તાં દેવા અઘ્નત
સાર્ધમાસે સમ્ અભવત્ ।
તસ્માદ્ અર્ધમાસે દેવેભ્યો જુહ્વતિ
જુહોત્ય્ અગ્નિહોત્રં પ્ર દેવયાનં પન્થાં જાનાતિ યઃ (…) ॥
(…) સા મનુષ્યાન્ આગચ્છત્
તાં મનુષ્યા અઘ્નત
સા સદ્યઃ સમ્ અભવત્ ।
તસ્માદ્ ઉભયદ્યુર્ મનુષ્યા ઉપ હરન્ત્ય્
ઉપાસ્ય ગૃહે હરન્તિ યઃ (…) ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0