પૈપ્પલાદ-સંહિતા · અધ્યાય 16.99

પ્રાચ્યાં દિશિ શિરો અજસ્ય ધેહિ
દક્ષિણાયાં દિશિ દક્ષિણં ધેહિ પાર્શ્વમ્ ।
પ્રતીચ્યાં દિશિ ભસદમ્ અસ્ય
ઉદીચ્યાં દિશ્ય્ ઉત્તરં ધેહિ પાર્શ્વમ્ ॥

અજસ્યાનૂકમ્ ઊર્ધ્વાયાં દિશિ ધેહિ
દિશિ ધેહિ પાજસ્યં ધ્રુવાયામ્ ।
અન્તરિક્ષે મધ્યતો મધ્યમ્ અસ્ય
પદ્ભિશ્ ચતુર્ભિઃ પ્રતિ તિષ્ઠ દિક્ષુ ॥

શૃતમ્ અજં શૃતયા પ્રોર્ણુહિ ત્વચા
સર્વૈર્ અઙ્ગૈઃ સંભૃતં વિશ્વરૂપમ્ ।
સ ઉત્ તિષ્ઠ પ્રેહિ નાકમ્ ઉત્તમં
પદ્ભિશ્ ચતુર્ભિઃ પ્રતિ તિષ્ઠ દિક્ષુ ॥

સર્વા દિશઃ સંવિદાનાઃ સધ્રીચીઃ
સાન્તર્દેશાઃ પ્રતિ ગૃહ્ણન્તુ તેજસમ્ ।
તે રક્ષન્તુ તવ તુભ્યમ્ એતં
તાભ્યો જુહોમિ હવિષા ઘૃતેન ॥

યં બ્રાહ્મણે નિદધે યં ચ વિક્ષુ
યા વિપ્રુષ ઓદનાનામ્ અજસ્ય ।
સર્વં તદ્ અગ્ને સુકૃતસ્ય લોકે
જાનીતાન્ નઃ સંગમને પથીનામ્ ॥

અજઃ પઞ્ચૌદનો વ્ય્ અક્રમત ।
તસ્યોર ઇયમ્ અભવદ્
ઉદરમ્ અન્તરિક્ષં દ્યૌઃ પૃષ્ઠં દિશઃ પાર્શ્વે ॥

દિતિશ્ ચાદિતિશ્ ચ શૃઙ્ગે
સત્યં ચ ર્તં ચ ચક્ષુષી ।
વિશ્વં રૂપં શ્રદ્ધા પ્રાણો વિરાટ્ શિરઃ ॥

એષ વા અપરિમિતો યજ્ઞો
યદ્ અજઃ પઞ્ચૌદનઃ ।
અપરિમિતં લોકં જયત્ય્
અપરિમિતં લોકમ્ અવ રુન્ધે
ય એવં વિદુષે ઽજં પઞ્ચૌદનં દદાતિ ॥

નાસ્યાસ્થીનિ ભિન્દ્યાન્
ન મજ્જ્ઞો નિર્ ધયેત્ ।
સર્વાણિ સમાદાય-
- ઇદંઇદં પ્ર વેશયેત્ ॥

ઇદમ્ ઇદમ્ અસ્ય રૂપં
તેનૈનં સં ગમયતિ ।
સ્વધામ્ ઊર્જમ્ અક્ષિતિં મહો અસ્મૈ દુહે
ય એવં વિદુષે ઽજં પઞ્ચૌદનં દદાતિ ॥