પૈપ્પલાદ-સંહિતા · અધ્યાય 15.4

ઋણાદ્ ઋણમ્ ઇવ સં નય
કૃત્યાં કૃત્યાકૃતો ગૃહમ્ ।
ચક્ષુર્મન્ત્રસ્ય દુર્હાર્દઃ
પૃષ્ટીર્ અપિ શૃણાઞ્જન ॥

યદ્ અસ્માસુ દુષ્વપ્ન્યં
યદ્ ગોષુ યચ્ ચ નો ગૃહે ।
અમામગત્યસ્ત દુર્હાર્દઃ
પ્રિય પ્રતિ મુઞ્ચતામ્ ॥

અપામ્ ઊર્જ ઓજસો વાવૃધાનમ્
અગ્નેર્ જાતમ્ અધિ જાતવેદસઃ ।
ચતુર્વીરં પર્વતીયં યદ્ આઞ્જનં
દિશઃ પ્રદિશઃ કરદ્ ઇચ્ છિવાસ્ તે ॥

ચતુર્વીરં બધ્યત આઞ્જનં તે
સર્વા દિશો અભયાસ્ તે ભવન્તુ ।
ધ્રુવસ્ તિષ્ઠાધિ સવિતેવ વાર્ય
ઇમા વિશો અભિ હરન્તુ તે બલિમ્ ॥

આઙ્ક્ષ્વૈકં મણિમ્ એકં કૃણુષ્વ
સ્નાહ્ય્ એકેન પિબૈકમ્ એષામ્ ।
ચતુર્વીરં નૈરૃતેભ્યશ્ ચતુર્ભ્યો
ગ્રાહ્યા બન્ધેભ્યઃ પરિ પાત્વ્ અસ્માન્ ॥

અગ્નિર્ માઘ્ન્યેનાવતુ
પ્રાણાયાપાનાયાયુષે ।
વર્ચસ ઓજસે તેજસે
સ્વસ્તયે સુભૂતયે સ્વાહા ॥

ઇન્દ્રો મેન્દ્ર્યેણાવતુ
પ્રાણાયાપાનાયાયુષે ।
વર્ચસ ઓજસે તેજસે
સ્વસ્તયે સુભૂતયે સ્વાહા ॥

સોમો મા સોમ્યેનાવતુ
પ્રાણાયાપાનાયાયુષે ।
વર્ચસ ઓજસે તેજસે
સ્વસ્તયે સુભૂતયે સ્વાહા ॥

ભગો મા ભગેનાવતુ
પ્રાણાયાપાનાયાયુષે ।
વર્ચસ ઓજસે તેજસે
સ્વસ્તયે સુભૂતયે સ્વાહા ॥

મરુતો મા ગણૈર્ અવન્તુ
પ્રાણાયાપાનાયાયુષે ।
વર્ચસ ઓજસે તેજસે
સ્વસ્તયે સુભૂતયે સ્વાહા ॥