પૈપ્પલાદ-સંહિતા · અધ્યાય 15.3

આયુષો ઽસિ પ્રતરણં
વિપ્રં ભેષજમ્ ઉચ્યસે ।
તદ્ આઞ્જન ત્વં શન્તાતે
ઽસિ માયોભવં કૃતમ્ ॥

યો હરિમા જાયાન્યો
અઙ્ગભેદો વિસલ્પકઃ ।
સર્વં તે યક્ષ્મમ્ અઙ્ગેભ્યો
બહિર્ નિર્ હન્ત્વ્ આઞ્જનમ્ ॥

આઞ્જનં પૃથિવ્યાં જાતં
ભદ્રં પુરુષજીવનમ્ ।
કૃણોત્વ્ અત્પ્રમાયકં
રથજૂતિમ્ અનાગસમ્ ॥

પ્રાણ પ્રાણં ત્રાયસ્વાસો
અસવે મૃડ ।
નિરૃતે નિરૃત્યા નઃ
પાશેભ્યો મુઞ્ચ ॥

સિન્ધોર્ ગર્ભો ઽસિ
વિદ્યુતાં પુષ્પમ્ ।
વાતઃ પ્રાણઃ સૂર્યશ્
ચક્ષુર્ દિવસ્ પયઃ ॥

દેવાઞ્જનં ત્રૈકકુદં
પરિ મા પાહિ વિશ્વતઃ ।
ન ત્વા તરન્ત્ય્ ઓષધયો
બાહ્યાઃ પર્વતીયા ઉત ॥

વીદં મધ્યમ્ અવાસૃજદ્
રક્ષોહામીવચાતનઃ ।
અમીવાઃ સર્વાશ્ ચાતયન્
નાશયદ્ અભિભા ઇતઃ ॥

બહ્વ્ ઇદં રાજન્ વરુણ-
-અનૃતમ્ આહ પુરુષઃ ।
તસ્માત્ સહસ્રવીર્ય
મુઞ્ચ નઃ પર્ય્ અંહસઃ ॥

યદ્ આપો અઘ્ન્યા ઇતિ
વરુણેતિ યદ્ ઊચિમ ।
તસ્માત્ સહસ્રવીર્ય
મુઞ્ચ નઃ પર્ય્ અંહસઃ ॥

મિત્રશ્ ચ ત્વા વરુણશ્ ચ-
-અનુ પ્રેયતુર્ આઞ્જન ।
તૌ ત્વાનુગત્ય દૂરં
ભોગાય પુન રોહતુ ॥