પૈપ્પલાદ-સંહિતા · અધ્યાય 15.5

આયુર્દા દેવ જરસં પૃણાનો
ઘૃતપ્રતીકો ઘૃતપૃષ્ઠો અગ્ને ।
ઘૃતં પિબન્ન્ અમૃતં ચારુ ગવ્યં
પિતેવ પુત્રં જરસે નયેમમ્ ॥

આયુર્ અસ્મૈ ધેહિ જાતવેદઃ
પ્રજાં ત્વષ્ટર્ અધિ નિ ધેહ્ય્ ઓનઃ ।
રાયસ્પોષં સવિતર્ આ સુવાસ્મૈ
શતં જીવાતિ શરદસ્ તવાયમ્ ॥

ઇમમ્ અગ્ન આયુષે વર્ચસે ધાઃ
પ્રિયં રેતો વરુણ મિત્ર રાજન્ ।
માતેવાસ્મા અદિતે શર્મ યચ્છ
વિશ્વે દેવા જરદષ્ટિર્ જથાસત્ ॥

અગ્નિષ્ ટ આયુઃ પ્રતરં કૃણોતુ
સોમસ્ તે પુષ્ટિં પ્રતરં દધાતુ ।
ઇન્દ્રો મરુત્વાન્ અધિ તે બ્રવીત્વ્
આદિત્યૈસ્ તે અદિતિઃ શર્મ યચ્છતુ ॥

રેવતીસ્ ત્વા વ્યક્ષણં
કૃત્તિકાશ્ ચકૃતુસ્ ત્વા ।
અપસસ્ ત્વામ્ અતન્વત
ધિયો ઽવયન્ન્ અવાગ્નાયીર્ અપૃઞ્ચન્ ॥

સહસ્રમ્ અન્તાઁ અભિતો ઽદદન્તા-
-અશીતિર્ મધ્યમ્ અભયં વિ નારીઃ ।
દેવીર્ દેવાય પરિધે સવિત્રે
મહત્ તદ્ આસામઘવન્ મહિત્વમ્ ॥

ઇમમ્ અશ્માનમ્ આ તિષ્ઠ-
-અશ્મેવ ત્વં સ્થિરો ભવ ।
પ્ર મૃણીહિ દુરસ્યતઃ
સહસ્વ પૃતણાયતઃ ॥

યેન દેવં સવિતારં
પરિ દેવા અધારયન્ ।
તેનેમં બ્રહ્મણસ્પતે
પરિ રાષ્ટ્રાય ધત્તન ॥

પરીમમ્ ઇન્દ્રમ્ આયુષે
મહે ક્ષત્રાય ધત્તન ।
યથૈનં જરસે નયાઞ્
જ્યોક્ ક્ષત્રે અધિ જાગરત્ ॥

પરીમં સોમમ્ આયુષે
મહે શ્રોત્રાય ધત્તન ।
યથૈનં જરસે નયાં
જ્યોક્ શ્રોત્રે અધિ જાગરત્ ॥