પૈપ્પલાદ-સંહિતા · અધ્યાય 15.21

નયામિ વાં પશુપતી
ઘૃતેનાજ્યેન વર્ધયન્ ।
યં દ્વિષ્મો યશ્ ચ નો દ્વેષ્ટિ
તસ્ય વેશઃ કરિષ્યથઃ ॥

અધિ બ્રૂતં પશુપતી
દ્વિપદે મે ચતુષ્પદે ।
પ્રસૂતૌ યત્ર જઘ્નતુસ્
તતો મે માતરં રિષત્ ॥

યા વાં રુદ્રઃ શિવા તનૂ
યા વાં સન્તિ રોગણાઃ ।
યા વામ્ આયુષ્મતીસ્ તનૂસ્
તાભિર્ નો મૃડતં યુવમ્ ॥

ન પ્ર મિનન્તિ વ્રતિનો વ્રતાનિ
સત્યં જિન્વન્તો વિદથા વદન્તઃ ।
યસ્યેમે રોદસી ઉભે
સંયુક્તે મનસા હૃદા ॥

સ પ્રજાનાં પ્રજાપતિઃ
સાધુ રક્ષતિ વર્ષતિ ।
સ વેદ રત્નભેષજં
દેવેભ્યસ્ પર્ય્ આભૃતં
તેન નો મૃડતં યુવમ્ ।
જીવાતવે ન મર્તવે
ઽથો અરિષ્ટતાતયે ॥

સગુણાસ આસતે
સંયુક્તા બલાય કમ્ ।
તેષાં યદ્ ઇન્દ્રિયં વૃહ
ચતિ રોચતિ રોચના ॥

યે તે રોચને બૃહતી
અન્તરિક્ષે અથો દિવઃ ।
તાભ્યામ્ ઉપ પ્ર યાહિ નઃ
સર્વવીરાઁ અરિષ્યતઃ ॥

સર્વવીરા અરિષ્યન્તો
રોચને અધિ તસ્થિમ ।
યથા નસ્ તૃષ્ણમદ્ વસુ
દિવિ ક્ષિપદ્ભ્યો અપ્સુ યા ॥