પૈપ્પલાદ-સંહિતા · અધ્યાય 15.22

ઇન્દ્રાગ્ની હુવે પ્રથમૌ
હ્વયામિ મરુતઃ શિવાન્ ।
હ્વયામિ વિશ્વાન્ દેવાન્
ઇમં હોમમ્ અવન્તુ મે ॥

ત્વં પ્રથમો અમૃતત્વમ્
અગ્ને દેવો દેવત્વં પ્રથમો જિગેથ ।
તવ દિવિ હૃદયં સં બભૂવ
સ નઃ શિવા આપો જાતવેદો નિ યચ્છ ॥

અગ્નાવ્ અગ્નિશ્ (ચરતિ પ્રવિષ્ટ
ઋષીણાં પુત્રો અધિરાજ એષઃ ।
તસ્મૈ જુહોમિ હવિષા ઘૃતેન
મા દેવાનાં યૂયવદ્ ભાગધેયમ્) ॥

યે દેવા દિવિ ષ્ઠ યે પૃથિવ્યાં
જાતવેદો ય ઉરાવ્ અન્તરિક્ષે ।
યે ગિરિષુ પર્વતેષ્વ્ અપ્સ્વ્ અન્તસ્
તે દેવા અશનિં યાવયાથ ॥

મિત્રં દિગ્ભિઃ કૃણુષ્વ જાતવેદ
આશાભિર્ મિત્રમ્ અધિપા વિપશ્ચિત્ ।
મા નો હિંસીર્ દિવ્યેનાગ્નિના
સસ્યાં યેન યન્તિ મરુત સ્પર્ધમાનાઃ ॥

વિદ્યોતમાન સ્તનયન્
વૃષેવૈષિ કનિક્રદત્ ।
ભીમઃ પર્જન્ય તે રથઃ
સ ઉ નઃ શર્મ યચ્છતુ ॥

યે વિદ્યુતમ્ અશનિમ્ આ તન્વન્તિ
મરુતઃ સલિલાદ્ અધિ ।
કૃષ્યૈ નો વિશ્વવારાયા
અવધન્વા નિ તન્વતામ્ ॥

યો વિદ્યુતમ્ અશનિમ્ આતંત્ય્
અન્તરિક્ષાદ્ ઉત વાતાદ્ દિવશ્ ચ ।
તેભ્યો મરુદ્ભ્યો નમો ઽસ્ત્વ્ ઓજસે ॥

તા યન્તુ સ્વરંકૃતાઃ
સ્યોનાઃ શિવતમાઃ પથા ।
મા ન ઇન્દ્ર યવં વધીર્
મિત્રમેનેન કૃણ્મહે ॥

દર્ભો અગ્ર ઓષધીનાં
શતકાણ્ડો અજાયત ।
સ દેવૈઃ પ્રહિતો ઽયમ્ આગન્
સ્વસ્તયે વૃષા મરુદ્ભિઃ સહ સંવિદાનઃ ॥