Scripture Library

Paippalāda-Saṃhitā · Chapter 15.21

15.21.1

nayāmi vāṃ paśupatī
ghṛtenājyena vardhayan |
yaṃ dviṣmo yaś ca no dveṣṭi
tasya veśaḥ kariṣyathaḥ ||

15.21.2

adhi brūtaṃ paśupatī
dvipade me catuṣpade |
prasūtau yatra jaghnatus
tato me mātaraṃ riṣat ||

15.21.3

yā vāṃ rudraḥ śivā tanū
yā vāṃ santi rogaṇāḥ |
yā vām āyuṣmatīs tanūs
tābhir no mṛḍataṃ yuvam ||

15.21.4

na pra minanti vratino vratāni
satyaṃ jinvanto vidathā vadantaḥ |
yasyeme rodasī ubhe
saṃyukte manasā hṛdā ||

15.21.5

sa prajānāṃ prajāpatiḥ
sādhu rakṣati varṣati |
sa veda ratnabheṣajaṃ
devebhyas pary ābhṛtaṃ
tena no mṛḍataṃ yuvam |
jīvātave na martave
'tho ariṣṭatātaye ||

15.21.6

saguṇāsa āsate
saṃyuktā balāya kam |
teṣāṃ yad indriyaṃ vṛha
cati rocati rocanā ||

15.21.7

ye te rocane bṛhatī
antarikṣe atho divaḥ |
tābhyām upa pra yāhi naḥ
sarvavīrām̐ ariṣyataḥ ||

15.21.8

sarvavīrā ariṣyanto
rocane adhi tasthima |
yathā nas tṛṣṇamad vasu
divi kṣipadbhyo apsu yā ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0