પૈપ્પલાદ-સંહિતા · અધ્યાય 15.20

ત્વજ્ જાતા રુદ્ર શન્તમા ત્વં હિ નો
બભુર્યા ઇરાય ભેષજેભિઃ ।
વિ યક્ષ્માન્ યાવયાસ્મદ્ વ્ય્ અંહો
વ્ય્ અમીવાશ્ ચાતયાસ્મદ્ વિષૂચીઃ ॥

ત્વં દેવાનામ્ અસિ રુદ્ર શ્રેષ્ઠસ્
તવસ્ તવસામ્ ઉગ્રબાહો ।
હૃણીયસા મનસા મોદમાન
આ બભૂવિથ રુદ્રસ્ય સૂનોઃ ॥

ત્વં હિ નો વીરાઁ ઈરય ભેષજેભિર્
ઉરું નો ભવન્ત મઘવો મરુત્વન્ ।
કરા નઃ પારમ્ અંહસઃ સ્વસ્તિ
વિશ્વા અભીતીર્ અપ સેધાસ્મત્ ॥

ત્વં હિ નો વૃષભ ચક્ષિમેષ્ઠા
અસ્મૈ રુદ્રાયોગ્રાય મીઢુષે ।
ક્ષયદ્વીરાય પ્ર ભરામહે મતિં
યથા નઃ શમ્ અસો દ્વિપદે શં ચતુષ્પદે ॥

ક્વ તેષુ રુદ્ર હસ્તો
મૃડયાકો જલાષઃ ।
અપભર્તા રપસો દૈવ્યસ્ય ॥

પ્ર યક્ષ્મઃ પ્ર નિરૃતિર્ એત્વ્ અસ્મત્
સેનેવ સૃષ્ટા પ્રચતામ્ અમીવા ।
આરાધ્વં સના વૃજના જહીત ॥

અર્હન્ ધનુર્ હિતં બિભર્ષ્ય્
અર્હન્ નિષ્કં રજન્તં વિશ્વરૂપમ્ ।
અર્હન્ન્ ઇદં દયસે વિશ્વમ્ એજન્
ન તે દૂરં ન પરિષ્ઠાસ્તિ તે ભવ
સદ્યઃ સર્વાન્ પરિ પશ્યસિ ભૂમિમ્ ॥

નમસ્ તે અસ્તુ વિદ્યુતે
નમસ્ તે સ્તનયિત્નવે ।
નમસ્ તે અસ્ત્વ્ અશ્મને
યેન પ્રદિશમ્ અસ્યસિ ॥

મા દેવાનામ્ ઉગ્ર રાજન્ન્
અસ્માકં પુરુષા રિષન્ ।
રક્ષાંસ્ય્ અસ્મદ્ યક્ષ્માંશ્ ચ
નાશયામસિ બ્રહ્મણા ॥

બ્રહ્મણેતો નાશયામો
યત્ કિં ચાઙ્ગેષ્વ્ આમયત્ ।
શલ્યાન્ યક્ષ્મસ્યાથો રોપીસ્
તા ઇતો વિ નયામસિ ॥