પૈપ્પલાદ-સંહિતા · અધ્યાય 15.15

યાવદ્ દ્યૌર્ યાવત્ પૃથિવી
યાવત્ પર્યેતિ સૂર્યઃ ।
તાવત્ ત્વમ્ ઉગ્ર ઓષધે
પરિ પાહ્ય્ અરુન્ધતિ ॥

અરિષ્ટસ્ ત્વા ખનત્ય્
અરિષ્ટાય ખનામિ ત્વા ।
દ્વિપાચ્ ચતુષ્પાદ્ અસ્માકં
સર્વમ્ અસ્ત્વ્ અનાતુરમ્ ॥

દેવાનામ્ અસિ સ્વસા
મરુતામ્ અસિ સઞ્ચરી ।
યં જીવમ્ અશ્નુષે ત્વં
ન સ રિષ્યાતિ પૂરુષઃ ॥

અરુન્ધતી નામાસિ
તૃતીયસ્યામ્ ઇતો દિવિ ।
તત્રામૃતસ્ય રોહણં
તેન ત્વાચ્છાવદામસિ ॥

શં ત આપો હૃદ્યાઃ
શં તે કુલિજ્યા ઉત ।
શં વાતઃ શં બૃહસ્પતિઃ
શં તે તપતુ સૂર્યઃ ॥

શં ત ઇન્દ્રાગ્ની ભવતાં
શં રાત્રી પ્રતિ ધીયતામ્ ।
શં તે પૃથિવ્યાં વીરુધઃ
શમ્ ઉ તે સન્ત્વ્ ઓષધીઃ ॥

બહ્વીષુ હિ ત્વામ્ અવિદમ્
ઓષધીં વીર્યવતીમ્ ।
અરુન્ધતિ ત્વામ્ આહાર્ષમ્
ઇતો મા પારયાન્ ઇતિ ॥

અભિપ્રેપ્સેવ જીવન્તમ્
અભિ દસ્યેદ્ અરુન્ધતી ।
એષા દવિદ્દ્ય ભેષજી
દેવી વાતીકૃતસ્ય ચ ॥

અનુ ષિઞ્ચ નસ્ તત્ કુર્વ્
અગદો વૈ ભવિષ્યતિ ।
વાતીકૃતસ્ય ભેષજ્ય્
આગન્ દેવ્ય્ અરુન્ધતી ॥

મા બિભેર્ ન મરિષ્યસ્ય્
અગદો વૈ ભવિષ્યસિ ।
વાતીકૃતસ્ય ભેષજ્ય્
આગન્ દેવ્ય્ અરુન્ધતી ॥