પૈપ્પલાદ-સંહિતા · અધ્યાય 15.1

સમ્યન્ દિગ્ભ્યઃ પવતે સં સ્વર્વિન્
મધોર્ અતો માધવઃ પાત્વ્ અસ્માન્ ।
અગ્નિર્ દેવો દુષ્ટરીતુર્ અદાભ્ય
ઇદં ક્ષત્રં રક્ષતુ પાત્વ્ અસ્માન્ ॥

રથન્તરં સામભિઃ પાત્વ્ અસ્માન્
ગાયત્રેણ ચ્છન્દસા વિશ્વરૂપમ્ ।
દ્વાદશા ઇષ્ટયા સ્તોમો અહ્નાં
સમુદ્રો વાચ ઇદમ્ ઓજઃ પિપર્તુ ॥

ઉગ્રા દિશામ્ અભિભૂતિર્ વયોધાઃ
શુચિઃ શુક્રે અહન્ય્ ઓજસ્યે ।
ઇન્દ્રાધિપતિઃ પિપૃતાદ્ અતો નો
મયિ ક્ષત્રં વિશ્વતો ધારયેદમ્ ॥

બૃહદ્ રાષ્ટ્રં ક્ષત્રભૃદ્ વૃદ્ધવૃષ્ણ્યં
ત્રિષ્ટુભૌજઃ શુભિતમ્ ઉગ્રવીરમ્ ।
ઇન્દ્ર સ્તોમૈઃ પઞ્ચદશેન વર્ચ
ઇદં વાતેન સગરેણ રક્ષતુ ॥

પ્રાચી દિશાં સહયશા યશસ્વતી
વિશ્વે દેવાઃ પ્રાવૃષાહ્નાં સ્વર્વતી ।
ઇદં ક્ષત્રં દુષ્ટરમ્ અસ્ત્વ્ ઓજો
અનાધૃષ્ટં સહસ્વં સહસ્વત્ ॥

વૈરૂપે સામન્ય્ અહ તચ્ છકેયં
જગત્યૈનદ્ વિક્ષ્વ્ આ વેશયામિ ।
વિશ્વે દેવાઃ સપ્તદશેન વદ્યમ્
ઇદં ક્ષત્રં સલિલાવતમ્ ઉગ્રમ્ ॥

ધત્રી દિશાં ક્ષત્રમ્ ઇદં દાધર્તુ -
-ઉપસ્થાશાનાં મિત્રવદ્ અસ્ત્વ્ ઓજઃ ।
મિત્રાવરુણા શરદાહ્ના ચિકિત્નૂ
અસ્મૈ ક્ષત્રાય મહિ શર્મ યચ્છતમ્ ॥

વૈરાજે સામન્ય્ અધિ મે મનીષા-
-અનુષ્ટુભા સંભૃતં વીર્યં સહઃ ।
ઇદં ક્ષત્રં મિત્રવદ્ આર્દ્રદાન્વ્ ઓજા
મિત્રાવરુણા રક્ષતમ્ આધિપત્યે ॥

સમ્રાડ્ દિશાં સહસામ્ની સહસ્વત્ય્
ઋતુર્ હેમન્તો વિષ્ઠયા નઃ પિપર્તુ ।
ઓષજાતાં બૃહતી ચ શક્વરી-
-ઇમં યજ્ઞમ્ અવતાં નો ઘૃતાચી ॥

સ્વર્વતી સુદુઘા નઃ પયસ્વતી
દિશાં દેવ્ય્ અવતુ નો ઘૃતાચી ।
ત્વં ગોપાઃ પુરએતોત પશ્ચાદ્
બૃહસ્પતે યામ્યાં યુઙ્ધિ વાચમ્ ॥