પૈપ્પલાદ-સંહિતા · અધ્યાય 14.8

ઇષિરા યોષા યુવતીર્ દમૂના
રાત્રી દેવસ્ય સવિતુર્ ભગસ્ય ।
અશ્વક્ષતા સુહવા સંભૃતશ્રીર્
આ પપ્રૌ દ્યાવાપૃથિવી મહિત્વા ॥

અવ વિશ્વાન્ય્ અરુહદ્ ગભીરા-
-ઉદ્વર્ષિષ્ઠમ્ અરુહદ્ અશ્રમિષ્ઠા ।
ઉશતી રાત્ર્ય્ અનુ સાનુ ભદ્રાદ્
વિ તિષ્ઠતે મિત્ર ઇવ સ્વધાભિઃ ॥

નર્યે વન્દ્યે સુભગે સુજાત
આ ચાગન્ રાત્રિ સુમના ઇહ સ્યામ્ ।
અસ્માંસ્ ત્રાયસ્વ નર્યાણિ જાતા-
-અશ્વ્યા યાનિ ગવ્યાનિ પુષ્ટા ॥

સિંહસ્ય રાત્ર્ય્ ઉશતી પિશસ્ય
વ્યાઘ્રસ્ય દ્વીપિનો વર્ચ આ દદે ।
અશ્વસ્ય બ્રધ્નં પુરુષસ્ય માયં
પુરુ રૂપાણિ કૃણુષે વિભાતી ॥

શિવાં રાત્રિમ્ અહ્નિ સૂર્યં ચ
હિમસ્ય માતા સુહવા નો અસ્તુ ।
અસ્ય સ્તોમસ્ય સુભગે નિ બોધ
યેન ત્વા વન્દે વિશ્વાસુ દિક્ષુ ॥

સ્તોમસ્ય નો વિભાવરિ
રાત્રિ રાજેવ જોષસૈ ।
અસામ સર્વવીરા
ભવામ સર્વવેદસો વ્યુચ્છન્તીર્ અનૂષસઃ ॥

શમ્યા હ નામ દધિષે
મમ દિપ્સન્તિ યે ધના ।
રાત્રીહ તાન્ અસદ્ અપ-
-અથ સ્તેનો ન વિદ્યતે
અથ રિપુર્ ન વિદ્યતે ॥

ભદ્રાસિ રાત્રિ ચમસો ન પિષ્ટો
વિશ્વં ગોરૂપં યુવતિર્ બિભર્ષિ ।
ચક્ષુષ્મતી મે મૃશતી વપૂંષિ
પ્રાદિત્યાન્ દિવ્યાન્ રુક્માઁ અમુક્થાઃ ॥

યો અદ્ય સ્તેન આયત્ય્
અઘાયુર્ મર્ત્યો રિપુઃ ।
રાત્રી તસ્ય પ્રતીત્ય
પ્ર ગ્રીવા પ્ર શિરો હનત્ ॥

પ્ર પાદૌ ન યથાયતિ
પ્ર હસ્તૌ ન યથાશિષત્ ।
યો મલિમ્લર્ ઉપાયતિ
સ સંપિષ્ટો અપાયતિ ।
અપાયતિ સ્વ્ અપાયતિ
શુષ્કે સ્થાણાવ્ અપાયત ॥