પૈપ્પલાદ-સંહિતા · અધ્યાય 14.7

સહસ્રેણ શતમાના યદ્ એષિ
લોકાં જિગેથ પ્રથમા શતૌદને ।
સર્વવેદસમ્ ઉત વાજપેયં
સર્વાઁલ્ લોકાં છતૌદના સમાપ ॥

ઇન્દ્રઃ પપાત પ્રથમઃ શતૌદનાં
સપ્ત ઋષિભ્યઃ સુમનસ્યમાનઃ ।
તયાસુરાણાં બલમ્ ઓજ આ દદે
તયા રુરોહ વિષ્ટપો દેવલોકાન્ ॥

વિશ્વામિત્રો ઽયં જમદગ્નિર્ અત્રિર્
ભરદ્વાજો ગોતમો ઽયં વસિષ્ઠઃ ।
ઇદં પક્વં કશ્યપસપ્તમાઃ
પ્રાશ્નન્તુ પ્રથમાઃ શતૌદનામ્ ॥

જ્યોતિષ્મતી પ્રથમા શતૌદના
ત્રીણિ જ્યોતીંષિ કૃણુતે સ્વર્ યતી ।
તાં દાતાર ઉપ જીવન્તિ યત્ર
તત્ર દેવૈઃ સધમાદં મદન્તિ ॥

છન્દઃપક્ષા બૃહતી શતૌદના
ત્રીણિ ચ્છન્દાંસિ સસૃજે સ્વર્ યતી ।
ઋતૂણામ્ અધિરાજં સંવત્સરં
પતિમ્ અસ્યા વિન્દન્ ॥

અતિક્રમ્યાગ્નિષ્ટોમમ્
અતિરાત્રં શતૌદને ।
યજ્ઞાંસ્ ત્વં સર્વાન્ આપ્ત્વા
ચિત્યમ્ અગ્નિં વ્ય્ અશ્નુહિ ॥

અશ્વમેધ્યમ્ અતિક્રમ્ય
દ્વાદશાહં શતૌદને ।
ત્રિરાત્રં સાહ્નમ્ આપ્ત્વા
વાજપેયેન કલ્પતે ॥

યે સહસ્રૈર્ ઈજાના
અગ્નિહોત્રહુતશ્ ચ યે ।
યજ્ઞૈર્ યે સર્વૈર્ ઈજાનાસ્
તાન્ આપ્નોતિ શતૌદના ॥

શં તે પરૂંષિ સુભગે દધામિ
શં તે માંસાન્ય્ અત્તથા ભવન્તિ ।
અસ્થિ યત્ તે શમિતા શશાર
તત્ તે ત્વષ્ટા વિહૃતં નિષ્ કૃણોતુ ॥

યે યજ્ઞેન જિતા લોકા
યા નુ ચ્છન્દાંસિ ભેજિરે ।
સર્વાંસ્ તાઁલ્ લોકાન્ આપ્નોતિ
યો દદાતિ શતૌદનામ્ ॥