પૈપ્પલાદ-સંહિતા · અધ્યાય 14.6

દિવં પ્રેહિ શતૌદને
સહસ્રસ્યાયનં ભવ ।
અયુતં પ્રયુતં ભવ-
-અક્ષિતિર્ ભવતાત્ ત્વં
સ્વર્ગં લોકમ્ આરુહઃ ॥

શતૌદનાં શતધા ભક્ષયન્તિ
શતં રોહાન્ રોહતિ યો દદાતિ ।
વામદેવ્યં નૌધસમ્ અસ્યાઃ પક્ષૌ
તૃતીયે નાકે અધિ વિષ્ટપિ શ્રિતા ॥

શતૌદનાં શતધા કલ્પમાના
શતં રૂપાણિ કૃણુતે સ્વર્યતી ।
સા નો દેવી સુહવા શર્મ યચ્છત્વ્
અથો મૃડાતીદૃશે ॥

શતૌદના દ્વાદશાહેન સંમિતા
શતં પૃષ્ઠાનિ સસૃજે સ્વર્યતી ।
સર્વાન્ યજ્ઞાન્ પરિયતી પરસ્તાત્
સા દાતારં રાયસ્પોષે દધાતુ ॥

અભિ પ્રેહિ શતૌદન
ઈજાનાન્ સોમસત્વનઃ ।
યજ્ઞાંસ્ ત્વં સર્વાન્ આપ્ત્વા
કામપ્રસ્યાયનં ભવ ॥

અભિ પ્રેહિ શતૌદને
યજ્ઞેનાયજ્વનસ્ તર ।
આ દેવયૂન્ અરૂરુહો
યત્રાદસ્ ત્રિદિવં દિવઃ ॥

ઈરાપદી પ્રથમા શતૌદના
સત્યં હ મધ્યમ્ અમૃતં શિરસ્ તવ ।
ઉભે દેવી રોદસી આ પૃણાસિ ॥

ઋતં હ શ્રોણી ઉત સક્થૌ તન્વા-
-ઓજો હ બાહૂ ઉત તદ્ બલાય કમ્ ।
અનુષ્ઠુ જઠરમ્ આદ્ ઉ પાર્શ્વે
સર્વાઁલ્ લોકાં છતૌદના સમાપ ॥

ચક્ષુષ્મતી પ્રથમા શતૌદના
સૂર્યો હ ચક્ષુર્ ઉત ચન્દ્રમાસ્ તવ ।
વિશ્વૈર્ દેવૈર્ ઋતુભિઃ સંવિદાના
સા દાતારં તૃપ્ત્યા તર્પયાસિ ॥

શતં પયાંસિ શતમ્ અસ્યા વત્સાઃ
શતધા પક્વાં વિ ભજન્ત્ય્ એનામ્ ।
સપ્ત લોકા દિવ્ય્ આર્પિતા યે તાં
જિગેથ પ્રથમા શતૌદને ॥