પૈપ્પલાદ-સંહિતા · અધ્યાય 12.21

ઇમં બધ્નામિ તે મણિં
દીર્ઘાયુત્વાય તેજસે ।
દર્ભં સપત્નજમ્ભનં
દ્વિષતસ્ તપનં હૃદઃ ॥

દ્વિષતસ્ તાપયન્ હૃદઃ
શત્રૂણાં તાપયન્ મનઃ ।
દુર્હાર્દઃ સર્વાંસ્ ત્વં દર્ભ
ઘર્મ ઇવાભીત્ સુતાપયન્ ॥

ઘર્મ ઇવાભિતપન્ દર્ભ
દ્વિષતો નિતપન્ મણે ।
હૃદઃ સપત્નાનાં ભિન્ધિ-
-ઇન્દ્ર ઇવ વિરુજં વલમ્ ॥

ભિન્ધિ દર્ભ સપત્નાનાં
હૃદયં દ્વિષતાં મણે ।
ઉદ્યં ત્વચમ્ ઇવ ભૂમ્યાઃ
શિર એષાં વિ પાતય ॥

ભિન્ધિ દર્ભ સપત્નાન્ મે
ભિન્ધિ મે પૃતનાયતઃ ।
ભિન્ધિ મે સર્વાન્ દુર્હાર્દો
ભિન્ધિ મે દ્વિષતો મણે ॥

છિન્ધિ દર્ભ સપત્નાન્ મે
છિન્ધિ મે પૃતનાયતઃ ।
છિન્ધિ મે સર્વાન્ દુર્હાર્દશ્
છિન્ધિ મે દ્વિષતો મણે ॥

વૃશ્ચ દર્ભ સપત્નાન્ મે
વૃશ્ચ મે પૃતનાયતઃ ।
વૃશ્ચ મે સર્વાન્ દુર્હાર્દો
વૃશ્ચ મે (દ્વિષતો મણે) ॥

કૃન્ત દર્ભ સપત્નાન્ મે
કૃન્ત મે પૃતનાયતઃ ।
કૃન્ત મે સર્વાન્ દુર્હાર્દઃ
કૃન્ત મે દ્વિષતો મણે ॥

પિંશ દર્ભ સપત્નાન્ મે
પિંશ મે પૃતનાયતઃ ।
પિંશ મે સર્વાન્ દુર્હાર્દઃ
પિંશ મે દ્વિષતો મણે ॥

વિધ્ય દર્ભ સપત્નાન્ મે
વિધ્ય મે પૃતનાયતઃ ।
વિધ્ય મે સર્વાન્ દુર્હાર્દો
વિધ્ય મે દ્વિષતો મણે ॥