પૈપ્પલાદ-સંહિતા · અધ્યાય 12.20

યં શપામો ય ઉ નઃ શપાતિ
યં દ્વિષ્મો ય ઉ દ્વેષત્ પિશાચઃ ।
ક્રવ્યાદમ્ અગ્ને મહતા વધેન
તમ્ અત્રાપિ પ્ર દહ જાતવેદઃ ॥

ય આરેભે યસ્ય વા ઘાસ્ય્ અપ્સરા
યઃ કૃણ્વેન સંવિદો યાતુમાવાન્ ।
ઉલૂકયાતું ભૃમલો યસ્ય યાતુસ્
તમ્ (…) ॥

ય આદદે યસ્ય વા ઘાસિ પિત્ર્યા
સ્તેન શ્વયાતુર્ ઉત સંભિધેહિભિઃ ।
યઃ પતાદ્ રોધનસ્યાધિદેવનં
ક્રવ્યાત્ પિશાચઃ ક્રવિષસ્ તિતૃપ્સન્
ઉલૂકયાતું ભૃમલો યસ્ય યાતુસ્
તમ્ (…) ॥

યઃ પુરુષેણેયતે રથેન
ક્રવ્યાદ્ યાતુઃ પિશુનઃ પિશાચઃ ।
વૈશ્વાનરેણ સયુજા સૂર્યેણ
તમ્ (…) ॥

યો નો વલિં મૃગયાં યશ્ ચ નઃ કૃષિં
પરિતિષ્ઠાદ્ યાતુભિર્ યશ્ ચ નઃ શપાત્ ।
અસ્તા રુદ્રઃ શ્રથત્વ્ આયુર્ અસ્ય
તમ્ (…) ॥

મા યાતુમાન્ વિદત મૃડિતારમ્
અલોકા અસ્મૈ પ્રદિશો ભવન્તુ ।
સમ્ એનં તપતાં રોદસી ઉભે
તમ્ અત્રાપિ પ્ર દહ જતવેદઃ ॥

જ્યોતિષ્મતીસ્ તપના યાશ્ ચ રોચના
પ્રત્યોષન્તીસ્ તન્વો યાસ્ તે અગ્ને ।
તાભિર્ મે મર્માણ્ય્ અભિતો દદસ્વ
મા ત્વા દભન્ યાતુધાના નૃચક્ષઃ ॥

આપો દેવીઃ પિશાચાનામ્
અપ નહ્યન્ત્વ્ આસ્યમ્ ।
યથેમં મમાત્માનમ્
અનાધૃષ્ય પુનઃ પતાન્ ॥

સદં પુષ્પે સદં ફલે
સદમ્ ઇન્દ્રાભિરક્ષિતે ।
સદા પિશાચા મ્રિયન્તાં
મૈષામ્ ઉચ્ છેષિ કશ્ ચન

યે પતન્તો યાતુધાના
દિવાનક્તમ્ ઉપાચરાન્ ।
રાત્રી મા તેભ્યો રક્ષત્વ્
અહ્ન આત્માનં પરિ દદે ॥