પદ્મસંહિતા · અધ્યાય 4.7

ભગવન્ કથ્યતાં કીદૃક્ ચક્રાબ્જં નામ મણ્ડલમ્ ।
યદારાધ્યં સમારાધ્ય તરન્તિ ભવવારિધિમ્

ચતુર્ભિર્યાજ્ઞિકૈઃ કાષ્ઠૈષ્ષડઙ્ગુલ ઘનૈશ્શુભૈઃ ।
દ્વાદશાઙ્ગુલ વિસ્તારૈ રાકારં ચતુરશ્રકમ્

મણ્ડલાનુગુણાયામવિસ્તારં પરિકલ્પયેત્ ।
અષ્ટતાલાયતાન્ સ્તમ્ભાન્ સુવૃત્તાં શ્ચતુરસ્તથા

સન્નિકૃષ્ટસ્ય કોણેષુ ચતુર્ષ્વેતસ્ય મઙ્ગલાન્ ।
સ્થાપયેદુપરિષ્ટાચ્ચ સ્તમ્ભાનાં સન્નિ વેશયેત્

ચત્વારિ ચૈવ દારૂણિ યથાપૂર્વેક્ત લક્ષણમ્ ।
તચ્ચતુષ્કં ચ દારૂણાં વિતાનધ્વજમાલયા

ભૂષયે ત્પરિતો મુક્તાદામાનિ ચ વિલમ્બયેત્ ।
શુદ્ધયા ચ મૃદાધસ્તાચ્ચતુષ્કોષ્ઠસ્ય ચાન્તરમ્

પૂરયે દન્તરં તસ્ય ગોમયેનોપલેપયેત્ ।
ચક્રાબ્જાદીનિ બિમ્બાનિ કુર્યાત્તત્ર મહીતલે

તેષામા યામવિસ્તારા વિષ્યેતે હસ્તસમ્મિતૌ ।
દ્વિગુણૌ ત્રિગુણૌ વાપિ સ્યાતા મથ ચતુર્ગુણૌ

યદ્વાપઞ્છ ગુણૌ બ્રહ્મન્નવકાશાનુ સારતઃ ।
ચન્દનાર્દ્રાણિ સૂત્રાણિ પ્રઞ્ચિ સપ્તદશક્ષિતૌ

નિપાત યેત્તધોદઞ્ચિતાવન્તિ કમલાસન ।
ષટ્પઞ્ચાશત્સમધિકે સન્ત્યેવ દ્વેશતે પુનઃ

કોષ્ઠાનિ સન્તિ તત્રાન્તષ્ષટ્ત્રિંશત્કોષ્ઠ મધ્યતઃ ।
સ્થાપયિત્વાતતશ્શઙ્કું ભ્રામયે ત્સૂત્રવર્ત્મના

પઞ્ચવૃત્તાનિ બિમ્બાનિ સમાન્યેકં તુ મધ્યમમ્ ।
કર્ણિકાક્ષેત્રમેતસ્માદ્બહિર્બિમ્બં ત્રિધા પુનઃ

વિભજ્ય સૂત્રમાર્ગેણ પ્રથમા કેસરાવનિઃ ।
દલભૂમિર્દ્વિતીયા તુ તૃતીયા નાભિમણ્ડલમ્

તદેકં દ્વિવિધં વાપિ ત્રિવિધં સૂત્રવર્ત્મના ।
વિભજેન્નાભિ ભૂભાગાદ્બહિર્દ્વે મણ્ડલે ભત્

અરક્ષેત્રં બહિર્નેમિભૂરેકં મણ્ડલં ભવેત્ ।
કોષ્ઠૈરથાષ્ટવિંશત્યાપરિતો બહિરાસનમ્

ચતુરશ્રં ભવેત્કોષ્ઠૈરશીત્યાવીધિકા બહિઃ ।
પઙ્ત્કિદ્વયેન વિશ્વાત્મન્ ચતુરશ્રાદ્બહિઃપુનઃ

કોષ્ઠાનિ દ્વાદશાધિક્યં શતં પઙ્ક્તિદ્વયે ભવેત્ ।
પ્રત્યાશં તેષુ કોષ્ઠેષુ ચતુર્દ્વારં પ્રકલ્પયેત્

કોષ્ઠેશ્ચતુર્ભિઃપ્રત્યેકં દ્વયોઃ પઙ્ત્ક્યોશ્ચતુર્મુખ ।
ચતુર્ષુ કોણેષુ તથા પ્રત્યેકં શઙ્ખસિદ્ધયે

કોષ્ઠધ્વયં તુ સમ્માર્જ્યં દ્વયોઃપઙ્ત્ક્યોશ્ચતુર્મુખ ।
પ્રતિદ્વારં તદભ્યર્ણે પાર્શ્વયો રુભયોરપિ

અર્થ શોભા પ્રસિદ્યર્થં બાહ્યાનન્તર રથ્યયોઃ ।
દ્વે દ્વે કોષ્ઠે બહિઃપઙ્ત્ક્યા મૈકૈકં તદનન્તરમ્

સમ્માર્જ્ય મેવં શોભાર્થમેકૈકં બહિરન્યતઃ ।
ત્રીણિ ત્રીણિ ચ કોષ્ઠાનિ માર્જનીયાનિ પદ્મજ

ઉપશોભાર્થમપ્યેવં વ્યત્યાસેન ચતુષ્ટયમ્ ।
સમ્માર્જનીયં કોષ્ઠાનાં વિનિયોગઃ પ્રદર્શિતઃ

યદ્વાપીઠાદિનિર્માણં વિના કોષ્ઠાનિ વિંશતિઃ ।
શતદ્વયં ચ પરિતઃ પરિમૃજ્ય ચતુર્મુખ

આદિપદ્મ પ્રમાણેન કુર્યાદાવરણત્રયમ્ ।
ચતુર્દિશં ચતુર્દ્વાર કલ્પનં પદ્મમાનતઃ

યદ્વૈક વલજં કુર્યાદભીષ્ટદશિ પદ્મજ ।
દ્વાદશાબ્જાનિ કલ્પ્યાનિ પ્રત્યાવરણકલ્પનમ્

ચતુર્ષુ કોણેષ્વેકૈકં દ્વે દ્વે વલજ પાર્શ્વયોઃ ।
દલૈર્દ્વાદશભિર્યુક્તં કર્ણિકાકે સરાન્વિતમ્

આદિપદ્માર્ધમાનેન પદ્મજાતં પ્રકલ્પયેત્ ।
મધ્યમે પઙ્કજે બિન્દૂન્ કર્ણિકાયાં પ્રકલ્પયેત્

દ્વાદશા બ્બજરેખાશ્ચ શતં ચ નવતિં તથા ।
કેસરોર્વ્યાં પિધાયાન્વગ્દલક્ષેત્રે પ્રકલ્પયેત્

વિદિક્ષુ દિક્ષુ ચ તથા ચતસ્રો વિંશતિં તથા ।
રેખે દ્વે દ્વે દલાનિ સ્યુસ્સૂચ્ય ગ્રવદનન્તરે

પ્રદર્શયેદુપદલાન્ન્યરક્ષેત્રે દિશઃપ્રતિ ।
અરે દ્વે દ્વે વિહિક્ષુ સ્યાદેકૈકં દ્વાશશારતા

અરાણિન્દીવરદલૈસ્તુલ્યાન્યબ્જપલાશવત્ ।
યદ્વા યપોદરાભાનિ માતુલુઙ્ગ સમાનિ ચ

પિપીલિકોદરાભાનિ પરસ્પરમાનિ ચ ।
અન્તરાલાનિ ચૈ તેષાં તુલ્યમાનાનિ પદ્મજ

ઈદૃશં મણ્ડલં શસ્તં પાસુદેવ સમર્ચને ।
નારાયણે તુ યષ્ટવ્યે બિન્દ્વાદ્યાઃ પૂર્વમીરિતાઃ

અષ્ટાવષ્ટૌ વિધાતવ્યાઃ કેસરા નવતિસ્સષટ્ ।
પૂર્વેરિતાનિ કોષ્ઠાનિ માર્જયિત્વાષડુત્તરમ્

ત્રિંશશ્ચ તત્ર નાભ્યાદિ વિનાપદ્મં પ્રકલ્પયેત્ ।
શઙ્કુમાહૃત્ય સૂત્રેણ તત્સમં વિભજેદ્દ્વિધા

પ્રથમં કર્ણિકાક્ષેત્રં દ્વિતીયં વિભજેત્ત્રિધા ।
ત્રિષ્વાદ્યં કેસરક્ષેત્રં દલક્ષેત્ર મનન્તરમ્

તૃતીયમન્તરાલં સ્યા દ્દલપીઠિકયોર્દ્વયોઃ ।
અષ્ટૌ દ્વાદશ વા કુર્યા દ્બિન્દ્વાદીન્ કમલાસન

મણ્ડલં ભદ્રકં નામ તદિદં સર્વકામદમ્ ।
ચિકીષન્ સ્વસ્તિકં બિમ્બં ક્ષેત્રં ષટ્ત્રિંશતાયુમ્

સંમૃજ્ય તત્ર કોષ્ઠાનિ એકં દશ ચ પાતયેત્ ।
પ્રાગાયતાનિ સૂત્રાણિ ઉદિચીનાયતાનિચ

સંમૃજ્ય મધ્યતો દ્વે દ્વે વીધીં પ્રાગાયતામપિ ।
તથોદગાયતામેકાં કુર્યાન્નિર્ગ મનં પુનઃ

પ્રાગાયતાભ્યાં કોષ્ઠાભ્યાં બહિઃપઙ્ત્કા ઉદઙ્મુખમ્ ।
પ્રાચીનં પશ્ચિમં ચાપિ દક્ષિણામુખ મિષ્યતે

તથોદગા યતાભ્યાં સ્યા દુદક્પ્રત્યઙ્મુખં શુભમ્ ।
દક્ષિણાગ્રં ભવેત્પ્રાચ્યા મિતિસ્વસ્તિક મીરિતમ્

દ્વિધા વિભજ્ય પૂર્વોક્તં ષટ્ત્રિંશત્કોષ્ઠમણ્ડલમ્ ।
મધ્યતઃ પદ્મકરણ મવશિષ્ટે ત્રિધાકૃતે

દ્વાભ્યાં સુવૃત્તં ભાગભ્યાં ભ્રાન્તં વૃત્ત્યસ્ય મણ્ડલમ્ ।
અવશિષ્ટેન ભાગેન ત્વન્તરાલં ભવેદ્બહિઃ

સૌરમણ્ડલ મેતત્સ્યાદે તદેવેન્દુ મણ્ડલમ્ ।
સર્વેષામેવ બિમ્બાનાં પીઠાદ્બાહ્યં યથાપુરમ્

વિના વિદધ્યાત્પીઠાદીન્ કેવલં ચક્રપઙ્કજમ્ ।
ચક્રં વિના વા પદ્મં સ્યા ત્કર્તુશ્શક્તિ સમીક્ષયા

મણ્ડલં શોભયેદ્રત્નૈઃ પઞ્ચવર્ણૈસ્સિતાદિભિઃ ।
તચ્ચૂર્ણૈ રથવા ચૂર્ણૈ ર્લોહજૈ ર્વાથ ધાતુજૈઃ

ચન્દનાગુરુકુષ્ઠાદિ ગન્ધચૂર્ણૈ રથાપિ વા ।
શાલ્યાદિ તણ્ડુલૈઃ પિષ્ટૈસ્સિત્રેર્વ્રીહિ ભિરપ્યુત

પુટદગ્ધૈ રવક્ષુણ્ણૈ રસિતૈ ર્યાજ્ઞિકૈશ્છદૈઃ ।
શ્યામૈ શ્શુક્લૈરવક્ષુણ્ણૌઃ કૌસુમ્ભૈ રપિ પાટલૈઃ

નિશા ચૂર્ણૈઃ પ્રસૂનૈર્વાપઙ્ચવર્ણૈશ્ચ કાલજૈઃ ।
શોભયેત્કર્ણિકાદીનિ યદ્વર્ણાનિ ચતુર્મુખ

તદ્વર્ણૈરેવ રત્નાદિ દ્રવ્યૈરાકારશોભનમ્ ।
અન્તરાલાનિ સર્વત્ર કૃષ્ણૈશ્શ્યામૈરથાપિ વા

શોભ યેત્કર્ણિ કાં પીતૈ શ્શુક્લૈર્બિન્દૂન્વિ શોભયેત્ ।
પાટલૈઃ કર્ણિકારેખાં કૃષ્ણૈર્વા કેસરાવનિમ્

દ્વિધા કૃત્વા પૂર્વભાગં શ્વૈતૈર્ભાગ મથોત્તરમ્ ।
પીતૈરક્તૈર્વિરામેષુ પ્રતિકેસરમર્જુનૈઃ

બિન્દૂન્વિદધ્યાદ્રદ્નૈસ્તુ દલકોટિષુ રેખયેત્ ।
આદ્યન્તાનિ ચ બર્હાણાં સિતર ક્તૈર્વિશોભયેત્

બર્હાન્ત વલયં રક્તૈસ્સિતૈર્વા ર્ભૂષયે ત્પૃથક્ ।
શ્યામૈઃ પીતૈશ્ચ રક્તૈશ્ચ નાભિરેખાત્રયં ક્રમાત્

દ્વિનાભિત્વે શ્યામપીતૈ શ્શ્યામૈરેવૈકનાભિકે ।
રેખયેદસિતૈ રેવ ત્વરકોટી રરાણિ તુ

રક્તૈરરાન્તવલયં કૃષ્ણૈર્નેમ્યન્તમેદિનીમ્ ।
સિતૈર્નેમિ મહીભાગં દ્વિધા કૃત્વૈક માદિતઃ

ભાગં કૃષ્ણૈસ્સિતૈરન્યન્નેમિભાગં વિશેષયેત્ ।
પીઠં પીતૈઃ પાટલૈર્વા સિતૈર્વા વીધિકાં પુનઃ

લતાવિતાન પત્રાદિયુક્તાં ચૂર્ણૈશ્ચ ચિત્રયેત્ ।
રક્તૈશ્શોભાં તથા પીતૈ રૂપશોભાં ચ શોભયેત્

દ્વારં શુક્લૈશ્ચ રક્તૈશ્ચ પીતૈઃ કૃષ્ણૈ ર્યથાક્રમમ્ ।
શોભયે દુત્તરાદીંશ્ચ કોણાન્ કૃષ્ણૈરથાર્જુનૈઃ

શઙ્ખં ચ કુર્યાત્તૈરેવ સ્વસ્તિકં પાટલપ્રભમ્ ।
યદ્વા પીતનિભં સૌરં મણ્ડલં પાટલપ્રભમ્

મણ્ડલં ચૈન્દવં શુક્લમન્તરાલં તુ સર્વશઃ ।
યથેષ્ટવર્ણ સુભગં મણ્ડલે હસ્તસમ્મિતે

રેખાનુ ચૂર્ણૈરુત્સેધઃ કનિષ્ઠાઙ્ગુલિ સમ્મિતઃ ।
દ્વિહસ્તેઽનામિ કા માનસ્ત્રિહસ્તે મધ્યમાસમઃ

ચતુર્હસ્તે મણ્ડલે તુ તર્જન્ય ઙ્ગુલિસમ્મિતઃ ।
પઞ્છહસ્તે સમોઽઙ્ગુષ્ઠેનેત્યુત્સેધઃ પ્રદર્શિતઃ

મણ્ડલં ચિત્રયિત્વૈવ મારભેત સમર્ચનમ્ ।
આરાધ યેત્કર્ણિકાયાં મન્ત્રાધ્વાનમનન્તરમ્

તત્વાધ્વાનં કેસરેષુ વર્ણાધ્વાનં દલેષુ ચ ।
પદાધ્યાનં નાભિભાગિ કલાધ્વાન મરેષુ ચ

ષષ્ઠં તુ ભુવનાધ્વાનં નેમિભાગે ચતુર્મુખ ।
કર્ણિકાયાં દ્વાદશસુ બિન્દુષુ દ્વાદશાર્ચયેત્

અક્ષરાણિ સમાવાહ્ય કર્ણિકાયાં સમાહિતઃ ।
યજેત પરમાત્માનં સકલીકૃત્ય તત્વવિત્

કેસરેષુ શ્રિયાદીંશ્ચ યજેત દલભૂમિષુ ।
શક્તીસ્તદીયા દશ ચ દ્વે ચ પૂજ્યા યથાવિધિ

શ્રીવત્સા દ્યાશ્શક્તયશ્ચ વ્યાપ્ત્યાદ્યાઃ પરિતસ્થ્સિતાઃ ।
દલા ન્તવલયે પૂજ્યો વિષ્ણુઃ પ્રથમનાભિગઃ

બ્રહ્મા દ્વિતીયનાભિસ્થસ્તૃણેત્રસ્તુ તૃતીયગઃ ।
દ્વાદશારેષુ વિષ્ણ્વાદ્વાઃ પૂજ્યા દ્વાદશમૂર્તયઃ

અરાન્તવલયે પૂજ્યા મીનાદ્યા દશ મૂર્તયઃ ।
પ્રથમે નેમિવલયે શઙ્ખ્યાદ્યાયુધ પૂજનમ્

પીઠકોણ ચતુષ્કેષુ વરાહો નરકેસરી ।
અનન્તશ્ચ હયગ્રીવસ્તદાગ્નેયાદિષુ ક્રમાત્

વીધિકાયાં લોકપાલાઃ પુરુહૂતા દયઃ ક્રમાત્ ।
પૂજ્યા દ્વારેષુ ચણ્ડાદ્યા દ્વૌ દ્વૌ પ્રતિ ચતુર્ષ્વપિ

ઈશાન કોણે રથ્યાયાં વિષ્વક્સેનં સમર્ચયેત્ ।
ગરુડોઽભિ મુખસ્તિષ્ઠન્ પૂર્વદ્વારા દ્બહિઃ ક્ષિતૌ

ચક્રં ચ દક્ષિણદ્વારિ ગદાં ચ દ્વારિ પશ્ચિમે ।
વલજે ચોત્તરે શઙ્ખં પ્રથમા વરણે તતઃ

વિષ્ણ્વાદિ મૂર્તયઃ પૂજ્યા દ્વાદશા બ્જેષુ પદ્મજ ।
અનન્તરે ચાવરણે પદ્મેષુ દ્વાદશસ્વપિ

પાસુદેવાદિ કૃષ્ણાન્તા મૂર્તયો દ્વાદશૈવ તે ।
પદ્મેષ્વાવરણે ચાન્તે દ્વાદશા દિત્ય પૂજનમ્

એતસ્મિન્ મણ્ડલે દેવં પાસુદેવં સમર્ચયેત્ ।
બિમ્બે નારાયણાખ્યે તુ બિન્દુષ્વષ્ટસુ તાવતામ્

અષ્ટાક્ષરાણાં ન્યસનમ્
વ્યાપ્ત્યાદ્યાશ્શક્તયોઽષ્ટ ચ ।
કેસરેષુ સમારાધ્યા
દલેષ્વષ્ટૌ શ્રિયાદયઃ

અરેષ્વષ્ટનુ શઙ્ખાદીન્યાયુધાન્યષ્ટ પૂજયેત્ ।
ચતુર્વિંશતિપદ્મેષુ ચતુર્વિં શતિમૂર્તયઃ

ત્રિષુ ચાવરણેષ્વેષુ પૂજ્યાઃ
તન્મણ્ડલે હરિમ્ ।
નારાયણં સમાવાહ્ય યજેત પરમેશ્વરમ્

દર્શેચ પૌર્ણમાસ્યાં ચ સઙ્ક્રાન્તૌ શ્રાવણેષુ ચ ।
દ્વાદશ્યાં વિષુવે ચૈવ ગ્રહણેષ્વ યનેષુ ચ

જન્મઋક્ષે વિશેષેણ મણ્ડલે હરિમર્ચયેત્ ।
મણ્ડલારાધનમિદં ધર્મકા માર્થમોક્ષદમ્

ચક્રાબ્જમણ્ડલે શસ્તા દીક્ષા તસ્યાશ્ચ મણ્ડલમ્ ।
એકદ્વારં ભવેત્તચ્ચ સૌમ્યં સ્યાદગ્રજન્મનામ્

ચિત્રિતં શ્વેતવર્ણેન પ્રાગ્દ્વારં પૃથિવી ભુજામ્ ।
રક્તેન ચિત્રિતં દ્વારં પાશ્ચાત્યં પીતવર્ણકમ્

વિશાં ભવેદ્દાક્ષિણાત્ય મસિતં પાદજન્મનામ્ ।
દ્વારાણિ ચાનુલોમાના મુત્પાદકવદિષ્યતે

સૂતસ્ય વલજં પ્રાચ્યાં
શૂદ્રાણામિવ યોષિતામ્ ।
શિષ્યં સુતં વા સર્વજ્ઞ મનસૂયં જિતેન્દ્રિયમ્

આચાર્યવંશજન્માનં નિગ્રહાનુ ગ્રહે ક્ષમમ્ ।
શાન્તિકે પૌષ્ટિકે ચૈવ કર્મણિ ક્ષમમર્થિનામ્

વેદ વેદાન્ત તત્વજ્ઞ માચાર્ય પદકાઙ્ક્ષિણમ્ ।
દેશિકેન્દ્રો વિધાનેન વક્ષ્યમાણેન તત્વવિત્

કર્ષણાદિષુ સર્વેષુ વિધાનેષ્વધિકારિણમ્ ।
કુર્યાન્મણ્ડલ પૂજાદિ કુમ્ભયાગાવસાનિકમ્

દીક્ષાયામિવ તત્સર્વં કૃત્વા શિષ્યસ્ય સન્નિદૌ ।
આજ્યેન ચરુણા ચૈવ સમિદ્ભઃ કુસુમૈ સ્તિલૈઃ

જુહુયાન્મૂલમન્ત્રાભ્યા મષ્ટોત્તરસહસ્રકમ્ ।
શિષ્યસ્ય દક્ષિણે હસ્તે બધ્વાપ્રતિ સરં ગુરુઃ

નૃત્તૈર્ગેયૈસ્તથા પાદ્યૈ ર્વેદઘોષૈર્નયેન્નિ શામ્ ।
તતઃપ્રભાતે શિષ્યં તં સ્નાતં નૂતન વાસનમ્

સમાહોયા સમારાધ્ય મણ્ડલં કુમ્ભમેવ ચ ।
ચતુર્વિધં નિવેદ્યાન્નં હોમં કુર્યાદ્યથા નિશિ

કલશાં શ્ચતુરો દ્રોણ પૂર્ણાન્ હોમાદિ નિર્મિતાન્ ।
મૃણ્મયાન્વા યથાવિત્તં સૂત્ર વસ્ત્રાદિવેષ્ટિતાન્

સંસ્થાપ્ય ધાન્યરાશૌ તુ રત્નાદીનિ વિનિક્ષિપેત્ ।
અગ્નેયકુમ્ભે રત્નાનિ સર્વાણિ વિનિવેશયેત્

નૈરૃતે સર્વલોહાનિ ગન્ધદ્રવ્યાણિ મારુતે ।
ઐશાને તીર્થવારીણિ તતો દેવં સમર્ચયેત્

અગ્નિકોણે વાસુદેવં સઙ્ગર્ષણ મનન્તરે ।
પ્રદ્યુમ્નં વાયુકોણે તુ કોણે રૌદ્રેઽનિરુદ્ધકમ્

તતોઽનુ શિષ્યં સંસ્થાપ્ય પીઠે ભદ્રાદિવિદ્યયા ।
શિષ્યં પ્રાઙ્મુખમાસીનં ષડઙ્ગ ન્યાસપૂર્વકમ્

અર્ચયિત્વાઘૃતારોપ માચરે દવિલમ્બયન્ ।
તૂર્ય ઘોષેણ ગેયેન બ્રહ્મઘોષેણ ઘોષયેત્

ચતુર્દિક્ષુ તતોગન્ધૈઃ પુષ્પૈસ્તામ્બાલવિટિભિઃ ।
ધનૈર્બહુ વિધૈરિષ્ટૈસ્સદસ્યાન્ તોષયેદ્દ્વિજાન્

તોષયેચ્ચ વિશેષણ ભગવદ્ભક્તિમા શ્રિતાન્ ।
મુહોર્તે શોભને પ્રાપ્તે બ્રાહ્મણાનામનુજ્ઞયા

ઋગ્વેદ મન્ત્રિતં કુમ્ભ માગ્નેયદિશિ નિષ્ઠિતમ્ ।
તમુપાદાય પાણિભ્યાં સૂક્તેન પુરુષાત્મના

દ્વાદશાક્ષ રમન્ત્રેણ સમ્પુટીકૃતમૂર્તિના ।
અભિષિઞ્ચેદ્ગુરુશ્શિષ્યં કુમ્ભેવ તદનન્તરમ્

નૈરૃતસ્થેન યજુષા મન્ત્રિતેન સમાહિતઃ ।
વૈષ્ણવેન ચ સૂ ક્તેન બ્રહ્મન્નાદ્યવસાનયોઃ

સઙ્કર્ષણાખ્ય મન્ત્રેણ સમ્મુટીકૃતમૂર્તિના ।
કુમ્ભેન મારુતસ્થેન સામાઘોષિતવારિણા

પ્રદ્યુમ્નસમ્પુટેનાથ બ્રહ્મન્ વારુણસામભિઃ ।
કુમ્ભેનાથર્વવેદેન પવિત્રી કૃતવારિણા

ઈશાન કોણસંસ્થેન સમ્પુટીકૃતમૂર્તિના ।
અનિરુદ્ધાખ્ય મન્ત્રેણ નારાયણ સમાહ્વાયા

વિદ્યયા કલશૈસ્સર્વૈ રભિષિઞ્ચેદ્યથોદિતમ્ ।
અભિષિક્તસ્તતશ્શિષ્યો નવામ્બરથંશ્શુચિઃ

આચાન્તશ્ચન્દનક્ષોદૈ ર્લિપ્તમાતિ રલઙ્કૃતઃ ।
સ્રગ્વી પાસોભિ રુષ્ણીષં બદ્ધ્વા મુકુટ સન્નિભમ્

ઉત્તરીયં ચ બિભ્રાણો બિભ્રાણો યોગપટ્ટિકામ્ ।
અઞ્જનાક્તેક્ષણદ્વન્દ્વો બાહુમાલા પરિષ્કૃતઃ

નિરીક્ષિતાદર્શતલો બ્રાહ્મણૈસ્સ્વસ્તિ પાચકૈઃ ।
દત્તપ્રસવ વૃષ્ટિશ્ચ શ્વેતવ્યજનવીજિતઃ

દત્તોપાનટ્ સિતચ્છત્રો દત્તાશ્વ ગજવાહનઃ ।
નીરાજિતશ્ચ કલ્યાણો જાયતે ગુર્વનુગ્રહાત્

અનેનૈવાભિષેકેણ લબ્ધ્વાચાર્ય પદં સ્વયમ્ ।
આચાર્ય કૃત્યમખિલં કર્તુમિચ્છે ચ્ચતુર્મુખ

ગુરુવે દક્ષિણાં દદ્વા દ્ગોભૂહેમાદિકં તથા ।
યથાવિભવવિસ્તારં તતો હસ્ત્યાદિ વાહનમ્

આરુહ્ય ધવલચ્છત્ર શ્વેત ચામર વીજિતઃ ।
આચાર્યચિહ્નૈરખિલૈ ર્લક્ષિતો બ્રાહ્મણૈ સ્સહ

રથયાનેનાગ્રહારં પ્રાદક્ષિણ્યેન રથ્યયા ।
ગત્વા દેવસ્ય સદનં પ્રવિશેત્સ્વસ્ય ધામ વા