પદ્મ પુરાણ · અધ્યાય 6.166

મહાદેવ ઉવાચ।
વૈદ્યનાથાત્પરં તીર્થં સર્વસિદ્ધિપ્રદાયકમ્ ।
તીર્થાનામુત્તમં તીર્થં દેવતીર્થમનુશ્રુતમ્

વિભીષણાદ્રાક્ષસેંદ્રાદ્ગૃહીત્વા કરમોજસા ।
પ્રારબ્ધો ધર્મપુત્રેણ રાજસૂયો મહાક્રતુઃ

દિગ્જયે દક્ષિણે જાતે નકુલેન હિ પાંડુના ।
સાભ્રમત્યાસ્તટે દેવિ પાંડુરાર્યેતિ વિશ્રુતા

સ્થાપિતા પરયા ભક્ત્યા ભુક્તિમુક્તિપ્રદાયિની ।
સ્નાતઃ સાભ્રમતીતોયે પાંડુરાર્યાં નમસ્ય ચ

અણિમાદ્યા સિદ્ધયોઽષ્ટૌ તથા મેધાં મહીયસીમ્ ।
નરઃ પ્રાપ્નોતિ વૈ નૂનં નાત્ર કાર્યા વિચારણા

પાંડુરાર્યાં નમસ્કૃત્ય શુદ્ધભાવેન માનવઃ ।
સંવત્સરકૃતા પૂજા દાતવ્યા તત્ત્વબુદ્ધિભિઃ

તત્ર તીર્થે તનું ત્યક્ત્વા પાંડુરાર્યાસમીપતઃ ।
કૈલાસશિખરં પ્રાપ્ય ચંડેશ્વરગણો ભવેત્

પુરા હનૂમતા તત્ર તપસ્તપ્તં સુદુષ્કરમ્ ।
સમુદ્રપ્લવને શક્તિર્જાતા તીર્થપ્રભાવતઃ

ઇતિ શ્રીપાદ્મે મહાપુરાણે પંચપંચાશત્સાહસ્ર્યાં સંહિતાયામુત્તરખંડે પાંડુરાર્યાતીર્થંનામ ષટ્ષષ્ટ્યધિકશતતમોઽધ્યાયઃ