પદ્મ પુરાણ · અધ્યાય 6.167

અત્ર તીર્થાત્પરં તીર્થં ચંડેશ ઇતિ વિશ્રુતમ્ ।
યત્ર ચંડેશ્વરો દેવો નિત્યં તિષ્ઠતિ ભૂતિદઃ

યં દૃષ્ટ્વા મુચ્યતે પાપાદજ્ઞાનાદથવા કૃતાત્ ।
સર્વાભિર્દેવતાભિશ્ચ મિલિત્વા નગરં કૃતમ્ ।
ચંડેશ ઇતિ વિખ્યાતં નામ્ના ચૈવ મહેશ્વરિ

ઇતિ ચંડેશતીર્થમ્ ।
અત્ર તીર્થાત્પરં તીર્થં ગાણપત્યં તતો ભુવિ ।
સાભ્રમત્યાં સમીપે તુ વિખ્યાતં દેવિ નિર્મિતમ્

તત્ર સ્નાત્વા નરો દેવિ મુચ્યતે નાત્ર સંશયઃ ।
મન્યે સાભ્રમતી તીરે જનાનાં હિતકામ્યયા

પૃથિવ્યાં યાનિ તીર્થાનિ સાગરાંતાનિ યાનિ ચ ।
તાનિ સર્વાણિ સંત્યજ્ય તીર્થે વૈ પરમાદ્ભુતે

શ્રાદ્ધં કરોતિ યસ્તત્ર રુદ્રભક્ત્યા જિતેંદ્રિયઃ ।
ફલં પ્રાપ્નોતિ શુદ્ધાત્મા સર્વયજ્ઞસમુદ્ભવમ્

પિતૄનુદિશ્ય યત્કિંચિદ્ગણતીર્થે પ્રદીયતે ।
તત્સર્વં જાયતે ક્ષિપ્રં ગણનાથપ્રસાદતઃ

તસ્મિંસ્તીર્થે નરઃ સ્નાત્વા વૃષં વિપ્રાય દાપયેત્ ।
સર્વલોકાનતિક્રમ્ય સ ગચ્છેત્પરમાં ગતિમ્

ઇતિ શ્રીપાદ્મે મહાપુરાણે પંચપંચાશત્સાહસ્ર્યાં સંહિતાયામુત્તરખંડે ગણતીર્થંનામ સપ્તષષ્ટ્યધિકશતતમોઽધ્યાયઃ