પદ્મ પુરાણ · અધ્યાય 6.165

મહાદેવ ઉવાચ।
ભૂતાલયં તતો ગચ્છેત્તીર્થં પાપહરં પદમ્ ।
ભૂતાલયો વટો યત્ર યત્ર પ્રાચી તુ ચંદના

ભૂતાલયે નરઃ સ્નાત્વા કૃષ્ણાષ્ટમ્યામુપોષિતઃ ।
યસ્તુ કૃષ્ણતિલાન્દદ્યાન્ન સ પ્રેતોઽભિજાયતે

પિતૄનુદ્દિશ્ય યો દદ્યાદુદકુંભં તિલૈઃ સહ ।
પૂર્વજાન્પ્રેતભાવાત્સ મોચયેન્નાત્ર સંશયઃ

યસ્ય નામ્ના નરઃ સ્નાતિ પ્રેતત્વાત્સ વિમુચ્યતે ।
ચતુર્દશ્યામથાષ્ટમ્યાં પ્રભાતે વિમલોદકે

તીર્થે ભૂતાલયે સ્નાત્વા દૃષ્ટ્વા ભૂતાલયં વટમ્ ।
ભૂતેશ્વરપ્રસાદેન ભૂતેભ્યો ન લભેદ્ભયમ્

ઇતિ શ્રીભૂતેશ્વરતીર્થમ્ ।
અતસ્તીર્થાત્પરં તીર્થં ઘટેશ્વરમિતિ સ્મૃતમ્ ।
યત્ર સ્નાત્વા તુ તં દૃષ્ટ્વા મુક્તિભાગી ભવેદ્ધ્રુવમ્

યત્ર સાભ્રમતી તીર્થં ઘટો વૈ પરમો મહાન્ ।
દૃષ્ટ્વા ચૈવ મહાદેવં મુચ્યતે નાત્ર સંશયઃ

તત્ર ગત્વા વિશેષેણ પ્લક્ષપૂજાં કરોતિ યઃ ।
મનસાભીપ્સિતાન્કામાઁલ્લભતે માનવો ભુવિ

ઇતિ ઘટેશ્વરતીર્થમ્ ।
તતો ગચ્છેન્નરો ભક્ત્યા વૈદ્યનાથેતિ વિશ્રુતમ્ ।
તત્ર સ્નાત્વા નરસ્તીર્થે શિવપૂજનતત્પરઃ

પિતૄન્સંતર્પ્ય વિધિના સર્વયજ્ઞફલં લભેત્ ।
વિજયો દેવસંભૂતઃ સર્વપાપક્ષયંકરઃ ।
યં દૃષ્ટ્વા વિવિધાન્કામાન્પ્રાપ્નુયુસ્તે નરાઃ સદા

ઇતિ શ્રીપાદ્મે મહાપુરાણે પંચપંચાશત્સાહસ્ર્યાં સંહિતાયામુત્તરખંડે વિજયીતીર્થમાહાત્મ્યંનામ પંચષષ્ટ્યધિકશતતમોઽધ્યાયઃ